Бойгонӣ
Ноябрь 2026 (21)
Октябрь 2026 (48)
Сентябрь 2026 (26)
Июль 2026 (25)
Июнь 2026 (33)
Май 2026 (43)

ПАЁМИ ТАБРИКОТИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ РӮЗИ ПРЕЗИДЕНТИ ҶУМҲУРИИ ТОҶИКИСТОН

Ҳамдиёрони азиз!
Ба муносибати Рӯзи Президенти Ҷумҳурии Тоҷикистон ҳамаи сокинони вилояти Хатлон ва ҳамватанони бурунмарзиро самимона табрик гуфта, ба ҳар хонадони тоҷик сулҳу осоиш ва ба Тоҷикистони соҳибистиқлол пешрафту шукуфоӣ орзу менамоям.
Рӯзи Президент фурсатест, ки ба роҳи тайкардаи давлати соҳибистиқлоламон назар афканем ва аз талошҳое ёд кунем, ки моро ба сулҳу ваҳдати миллӣ расонданд. Дар ин роҳи сарнавиштсоз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нақши таърихӣ гузоштанд.
16 ноябри соли 1992 дар Қасри Арбоб Иҷлосияи XVI Шурои Олии Ҷумҳурии Тоҷикистон оғоз ёфт. Дар ҳамин иҷлосия, 19 ноябр, вакилони мардумӣ муҳтарам Эмомалӣ Раҳмонро Раиси Шурои Олӣ интихоб карданд. Қарорҳои иҷлосия барои барқарор намудани фаъолияти мақомоти давлатӣ ва оғози раванди сулҳу оштӣ замина гузоштанд. Ду сол баъд, 16 ноябри соли 1994, муҳтарам Эмомалӣ Раҳмон ба ҳайси Президенти интихобшудаи Ҷумҳурии Тоҷикистон савганд ёд карданд. Ба ёди ҳамин рӯйдод ҳар сол 16 ноябр Рӯзи Президенти Ҷумҳурии Тоҷикистон таҷлил мегардад.
Талошҳои пайгиронаи Сарвари давлат ва иродаи мардуми Тоҷикистон барои барқарор кардани сулҳ самар доданд. 27 июни соли 1997 дар шаҳри Москва Созишномаи умумии истиқрори сулҳ ва ризоияти миллӣ ба имзо расид. Ин санади таърихӣ ба ҷанги шаҳрвандӣ хотима бахшид ва барои бозгашти гурезаҳо ва эҳёи зиндагии осоишта роҳ кушод.
Ҳамватанони гиромӣ!
Мардуми Хатлон, ки сахтиҳои ҷанги шаҳрвандиро аз сар гузарондаанд, қадри сулҳро аз таҷрибаи зиндагии худ медонанд. Мо самараи сулҳро имрӯз дар ободии шаҳру ноҳияҳои вилоят мебинем. Бунёду навсозии роҳҳо рафтуомади сокинон ва расондани маҳсулоти кишоварзиро ба бозор осон мекунад. Корхонаҳои коркарди маҳсулоти кишоварзӣ барои сокинон дар маҳалли зисташон ҷойи кор фароҳам меоранд. Бо бунёду навсозии мактабҳо ва муассисаҳои тиббӣ шароити таҳсил ва хизматрасонии тиббӣ беҳтар мегардад.
Дар ин пешрафт саҳми худи сокинони вилоят бузург аст. Кишоварзон бо заҳмати худ бозорҳоро бо маҳсулот таъмин мекунанд, соҳибкорон истеҳсолотро ба роҳ монда, барои ҳамдиёрон ҷойи кор муҳайё месозанд. Омӯзгорон ба фарзандони мо дониш меомӯзонанд ва табибон дар шаҳру деҳот ба саломатии мардум ғамхорӣ мекунанд. Ба ҳамаи сокиноне, ки бо меҳнату ташаббуси худ дар ободии Хатлон саҳм мегузоранд, самимона миннатдорӣ баён менамоям.
Дар солҳои соҳибистиқлолӣ Тоҷикистон аз бунбасти коммуникатсионӣ раҳо ёфт. Бунёди роҳу нақбҳо робитаи миёни минтақаҳои кишварро мустаҳкам кард. Афзоиши истеҳсоли маҳсулоти кишоварзӣ ба таҳкими амнияти озуқаворӣ мусоидат намуд ва ба кор даромадани корхонаҳои нав ба саноатикунонии кишвар суръат бахшид. Сохтмони Неругоҳи барқи обии «Роғун» ва татбиқи дигар лоиҳаҳои соҳа барои таъмини устувори аҳолӣ ва корхонаҳо бо неруи барқ заминаи мустаҳкам фароҳам оварда, моро ба ҳадафи стратегии таъмини истиқлолияти энергетикӣ наздиктар месозад.
Тоҷикистон дар арсаи байналмилалӣ бо ташаббусҳояш дар масъалаҳои об, ҳифзи пиряхҳо ва таҳкими сулҳ шинохта мешавад. Маҷмаи Умумии Созмони Милали Муттаҳид солҳои 2018–2028-ро Даҳсолаи байналмилалии амал «Об барои рушди устувор» ва соли 2025-ро Соли байналмилалии ҳифзи пиряхҳо эълон кардааст. Ҳамчунин бо қатъномаҳои Маҷмаи Умумӣ соли 2027 Соли байналмилалии маърифати ҳуқуқӣ ва солҳои 2027–2036 Даҳсолаи байналмилалии таҳкими сулҳ ба хотири наслҳои оянда эълон шудаанд.
Дар соли таҷлили 35-солагии Истиқлоли давлатии Ҷумҳурии Тоҷикистон, пос доштани сулҳу истиқлол аз ҳар яки мо эҳтиром ба қонун, иҷрои софдилонаи вазифа ва ғамхорӣ ба ободии маҳалли зистро тақозо мекунад. Бовар дорам, ки мардуми заҳматкаши Хатлон бо ҳамдигарфаҳмӣ ва ҳисси масъулият минбаъд низ дар пешрафти вилоят ва кишвар саҳми шоиста мегузоранд.
Ба Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон саломатии бардавом ва дар роҳи хизмат ба Ватану миллат комёбиҳои рӯзафзун орзу менамоям.
Бигзор сулҳу ваҳдат дар Тоҷикистони азиз пойдор ва ҳар хонадони тоҷик ободу осуда бошад!
Рӯзи Президенти Ҷумҳурии Тоҷикистон муборак, ҳамдиёрони азиз!
Похожие новости:
Паёми Президенти Ҷумҳурии Тоҷикистон муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ» Паёми Президенти Ҷумҳурии Тоҷикистон муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ» АСОСӢ / Ахбор / Саноат ва кишоварзӣ / Сиёсат / Ҳуқуқ ва амният / Рушди деҳот, сайёҳӣ ва ҳунарҳои мардумӣ / Ҷамъият / Фарҳанг / Варзиш / Ҷавонон / Маориф / Иҷтимоъ / Мақомот / Иқтисод / Сохтмон ва меъморӣ АМРИ ПРЕЗИДЕНТИ ҶУМҲУРИИ ТОҶИКИСТОН АМРИ ПРЕЗИДЕНТИ ҶУМҲУРИИ ТОҶИКИСТОН АСОСӢ / Ахбор / Ҷамъият / Фарҳанг / Ҷавонон / Иҷтимоъ / Мақомот Суханронии Пешвои миллат Эмомалӣ Раҳмон дар мулоқот бо роҳбарон ва фаъолони вилояти Хатлон 24.02.2022, шаҳри Бохтар Суханронии Пешвои миллат Эмомалӣ Раҳмон дар мулоқот бо роҳбарон ва фаъолони вилояти Хатлон 24.02.2022, шаҳри Бохтар АСОСӢ / Ахбор / Саноат ва кишоварзӣ / Ҳуқуқ ва амният / Рушди деҳот, сайёҳӣ ва ҳунарҳои мардумӣ / Маориф / Мақомот / Сохтмон ва меъморӣ Сафари кории Пешвои миллат ба вилояти Хатлон Сафари кории Пешвои миллат ба вилояти Хатлон АСОСӢ / Ахбор / Саноат ва кишоварзӣ / Сиёсат / Ҳуқуқ ва амният / Рушди деҳот, сайёҳӣ ва ҳунарҳои мардумӣ / Мақомот / Иқтисод / Сохтмон ва меъморӣ ПАЁМИ ПРЕЗИДЕНТИ ҶУМҲУРИИ ТОҶИКИСТОН, ПЕШВОИ МИЛЛАТ, МУҲТАРАМ ЭМОМАЛӢ РАҲМОН БА МАҶЛИСИ ОЛӢ ПАЁМИ ПРЕЗИДЕНТИ ҶУМҲУРИИ ТОҶИКИСТОН, ПЕШВОИ МИЛЛАТ, МУҲТАРАМ ЭМОМАЛӢ РАҲМОН БА МАҶЛИСИ ОЛӢ АСОСӢ / Сиёсат / Мақомот
Добавить комментарий
Маҷаллаи №6-2019
Серхонандаҳо
ДАВЛАТАЛӢ САИД БО САФИРИ БЕЛАРУС МАСЪАЛАҲОИ ГУСТАРИШИ ҲАМКОРИҲОИ ТИҶОРАТИЮ ИҚТИСОДӢ ВА КИШОВАРЗИРО БАРРАСӢ КАРДАНД ФОРУМИ БАЙНАЛМИЛАЛИИ САРМОЯГУЗОРИИ «ХАТЛОН ИНВЕСТ – 2026» ДАР ШАҲРИ БОХТАР БАРГУЗОР МЕГАРДАД РОССИЯ: ИШТИРОКИ РАИСИ ВИЛОЯТИ ХАТЛОН ДАВЛАТАЛӢ САИД ДАР ФОРУМИ II КИШОВАРЗИЮ ОЗУҚАВОРИИ СИБИР ҶАЙҲУН. ҲОСИЛИ САБЗӢ ФАРОВОН АСТ РАИСИ ВИЛОЯТ БО РАИСОНИ ШАҲРУ НОҲИЯҲО ҶАЛАСАИ КОРИИ МАҶОЗӢ БАРГУЗОР НАМУДАНД БОЗДИДИ РАИСИ ВИЛОЯТИ ХАТЛОН АЗ РАФТИ СОХТМОНИ БИНОИ НАВИ ТАЪЛИМӢ ДАР ШАҲРИ ЛЕВАКАНТ ШИНОСОИИ РАИСИ ВИЛОЯТ АЗ МАКОНИ БУНЁДИ НИШОНИ ДАВЛАТӢ ДАР НОҲИЯИ АБДУРАҲМОНИ ҶОМӢ ИШТИРОКИ РАИСИ ВИЛОЯТ ДАР МАЪРАКАИ ПАХТАЧИНӢ ВА СУҲБАТ БО РАИСОНИ ҶАМОАТҲО ДАР НОҲИЯИ АБДУРАҲМОНИ ҶОМӢ МУЖДА: ШАҲРИ ЛЕВАКАНТ ДУРНАМОИ ҶАМЪОВАРИИ ҲОСИЛИ ПАХТАРО 100 ФОИЗ ИҶРО КАРД БОЗДИД АЗ РАВАНДИ МУМФАРШКУНИИ РОҲИ МОШИНГАРДИ ДЕҲАИ КӮШОНОБОДИ НОҲИЯИ АБДУРАҲМОНИ ҶОМӢ