МОДАРНОМА

     Модар худ баҳор аст бехазон, баҳрест беканор ва биҳиштест ҷовидон. Зан - модар дар ҳама ҳолат чи ҳозиру чи ғоиб пайваста дар ёду хаёли мо фарзандон аст. Оғӯши гарму аллаи ҷонбахшаш, худ як дунёест. Зеро равшанбахши дунё, оромиши дилҳо ва нурбахши хонадону осоиши ҷон аст, модар.

Имрӯз саҳми модари тоҷик махсусан дар тарбия, омӯхтани забон, таъриху фарҳанг, донишҳои муосир умуман камолоти маънавӣ ва ҷисмонии фарзандон хеле барҷаста мебошад. Ин аст, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри баланд бардоштани мавқеи зан - модар дар ҷомеа тамоми чораю тадбирҳоро роҳандозӣ намудаанд. 

Хуб шуд, ки зан ба давлат ёр шуд,

Мамлакат аз дасти зан гулзор шуд.

Зиҳӣ модар! Бо чунин қудрату тавоноӣ, матонату диловарӣ ва садоқату ҷасорат. Месазад тамоми умр пеши пояш сар ба таъзим фуруд биёрем.

Таваралӣ СОҲИБНАЗАРОВ,