ДАНҒАРА - НОҲИЯИ БЕҲТАРИНИ СОЛИ 2019 ДАР ХАТЛОН

Ноҳияи Данғара барои ҳосили зиёди маҳсулоти кишоварзӣ ва таъмини амнияти озуқаворӣ беҳтарин ноҳияи соли 2019 дар вилояти Хатлон дониста шуда, соҳиби шоҳҷоиза - мошини “Тойота” гардид.

Дар шумори навоҳии беҳтарини сол ҳамчунин ба ноҳияҳои Дӯстӣ сабукрави “Хундай” ва Қубодиён мошини “Опел-Зефира” туҳфа шуд.
Ҷоизаҳоро ба ғолибон раиси вилояти Хатлон Қурбон Ҳакимзода зимни ҷаласаи тантанавии бахшида ба Иди Сада рӯзи 25-уми январ дар шаҳри Бохтар супорид.
Ҳамчунин беҳтарин кормандони соҳаи кишоварзӣ ва расонаҳои давлатӣ бо ифтихорномаю туҳфаҳои хотиравӣ қадрдонӣ шуданд.

Қурбон Ҳакимзода мардуми вилоятро бо Иди Сада таҳният гуфта, изҳор дошт, ки Хатлон яке аз истеҳсолгарони асосии маҳсулоти кишоварзӣ дар ҷумҳурӣ мебошад. Ӯ аз мутахассисон ва фаъолони соҳаи кишоварзӣ дархост кард, ки барои афзоиши истеҳсоли меваю сабзавот кӯшиш ба харҷ диҳанд, то нафақат бозорҳои вилоят, балки ҷумҳурӣ низ бо маҳсулоти тару тоза таъмин шавад.

Бахшида ба Ҷашни Сада дар майдони назди театри вилоятии мусиқию мазҳакавии ба номи Ато Муҳаммадҷонови шаҳри Бохтар намоиши маҳсулоти вилояти Хатлон ташкил шуда, маросими идона ҷараён гирифт.

"САФО"

Похожие новости:

Добавить комментарий

Ахбор

Нақши ВАО дар шароити ҷаҳонишавӣ ва бархӯрди фарҳангу тамаддунҳо баррасӣ шуд 13:30 Мазҳакаи “Зангирӣ ё дамгирӣ” 13:27 Бохтар. Чорабинии мудофиаи ҳудудӣ доир гардид 15:49 Хатлон. Дар майдони беш аз 9 ҳазору 900 гектар пиёз кишт шудааст 16:05 Бохтар. Кӯдакон соҳиби майдонаи варзишӣ шуданд 13:04 Панҷ. Пиёзи барвақтӣ ба бозор бароварда мешавад 11:53 Дӯстӣ. Бунёди боз як иншооти соҳаи тандурустӣ 13:59 Ҷ. Балхӣ. Бунгоҳи тиббии нав ифтитоҳ шуд 16:08

Маҷаллаи №6-2019

Серхонандаҳо

ПЕШАИ ПУРИФТИХОР Нурализода Наргис: Мароми мо - баланд бардоштани мақоми зан дар ҷомеа Хатлон. 113- солагии матбуоти тоҷик таҷлил шуд ХОВАЛИНГ. МАТБАА СОҲИБИ ДАСТГОҲИ ЗАМОНАВӢ ШУД Дар шаҳри Бохтар 350 ҳазор гул шинонида шудааст Ёвон. Майдончаи варзишӣ ифтитоҳ шуд Пешвои миллат эҳёгари Наврӯз Хирад раҳнамою хирад раҳкушой ДАСТОНИ ПУРҲУНАР СУМАНАК