03 фев 13:36АСОСӢ / Ахбор / Саноат ва кишоварзӣ / Ҳуқуқ ва амният / Ҷамъият / Иқтисод

ЗИЁДА АЗ 5300 ҚОНУНШИКАНӢ ОШКОР ШУДААСТ

Раиси Кумитаи Идораи замини вилояти Хатлон Диловар Пирзода зимни нишасти матбуотӣ иттилоъ дод, ки соли 2023 аз ҷониби нозирони давлатии истифода ва ҳифзи замини шаҳру ноҳияҳои вилоят 5352 ҳолати вайронкунии қонунгузории замин дар майдони 3221 гектар ошкор карда шудааст.

Гуфта шуд, ки барои дар маҳал бартараф намудани ҳолатҳои вайронкунии қонунгузории замин 5352 адад дастурҳо, 4247 адад протоколу қарорҳои ҷаримабандӣ ба маблағи 2 миллиону 310 ҳазору 153 сомонӣ тартиб дода шуда, ба суратҳисоби махсуси Кумитаҳои идораи замини шаҳру ноҳияҳо 1 миллиону 900 ҳазору 751 сомонӣ ворид карда шудааст.

Мутобиқ ба талаботи моддаи 55-и Кодекси замини Ҷумҳурии Тоҷикистон барои чораҷӯӣ ва таҳқиқи ҳуқуқӣ, соли гузашта ба мақомоти прокуратура 342 мавод барои додани баҳои ҳуқуқӣ пешниҳод карда шудааст.

Соли сипаригардида аз ҷониби кумитаҳои идораи замини шаҳру ноҳияҳои вилоят 725 ҳолати худсарона забт намудани заминҳо дар майдони умумии 513,85 гектар ошкор карда шудааст, ки аз ин миқдор 461,95 гектар заминҳои кишоварзӣ ва 51,90 гектар заминҳои ғайрикишоварзӣ мебошанд.

Нисбати ҳолатҳои дарёфтшуда дар маҳал чораҳои зарурӣ андешида шуда, 472 ҳолати худсарона ишғол намудани заминҳо дар майдони 941,35 гектар бартараф карда шудааст.

С. СУЛТОНОВ

Похожие новости:

Добавить комментарий