«ҶУНТАЙ-ДАНҒАРА СИН СИЛУ ТЕКСТИЛ» ЗИЁДА АЗ 2690 ТОННА РИШТАИ ПАХТАГИН ИСТЕҲСОЛ КАРД

Тавре АМИТ «Ховар» иттилоъ додааст, Ҷамъияти саҳомии пӯшидаи «Ҷунтай-Данғара Син Силу Текстил» дар 10 моҳи соли 2019 ба миқдори 12120,1 тонна риштаи пахтагин истеҳсол кардааст, ки назар ба ҳамин давраи соли гузашта 2690 тонна зиёд мебошад ва ин нишондод, суръати афзоиш 128,5 фоизро ташкил намудааст. Саҳми корхонаи мазкур дар маҷмӯи риштаи пахтагини дар ҷумҳурӣ истеҳсолшуда дар ин давра 67,5 фоизро ташкил медиҳад. Дар ин бора зимни ҷаласаи дуюми ситоди доимоамалкунанда доир ба масъалаҳои ҶСП «Ҷунтай-Данғара Син Силу Текстил», ки рӯзи 28 ноябри соли 2019 дар ноҳияи Данғара баргузор гардид, иттилоъ дода шуд.

Ба иттилои Вазорати саноат ва технологияҳои нави Ҷумҳурии Тоҷикистон, дар ҷаласа масъалаҳо вобаста ба фаъолияти корхона, раванди корҳои сохтмонӣ, захираи ашёи хом ва истифодаи самараноки заминҳои ба кишти пунбадона вобасташуда баррасӣ гардиданд.
Иттилоъ дода шуд, ки дар корхонаи мазкур ташхисгоҳ бо дастгоҳҳои USTER фаъолият дошта, ташхиси нахи пахта ва риштаҳои пахтагин ба роҳ монда шудааст.

Маълумоти роҳбарияти корхона оид ба ҷараёни ҷамъоварии ҳосили ашёи хом, пахта ва захираи он барои соли 2020 пешниҳод шуда, инчунин оид ба ҷараёни корҳои сохтмонӣ маълумот манзур гардид.
Мавриди зикр аст, ки рушди соҳаи коркарди ниҳоии нахи пахта зери таваҷҷуҳи доимии Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон қарор дошта, ба истифода додани ҶСП «Ҷунтай Данғара Син Силу Текстил», ки бо шарикони чинӣ амалӣ шуда истодааст, қадами устувор дар рушди соҳаи мазкур ба ҳисоб меравад. ҶСП «Ҷунтай-Данғара Син Силу Текстил» аз лиҳози иқтидори истеҳсолию технологӣ дар Осиёи Марказӣ беназир буда, дар ҳамкорӣ бо сармоягузорону мутахассисони Ҷумҳурии Мардумии Чин бунёд шудааст. Дар коргоҳҳои алоҳидаи он пешрафтатарин технологияи коркарди пахта ва тавлиди маҳсулот аз ширкатҳои бонуфузи ИМА, Швейтсария, Германия ва Ҷумҳурии Мардумии Чин ворид ва васлу насб карда шудаанд.
Ёдовар мешавем, ки марҳалаи аввали ҶСП «Ҷунтай-Данғара Син Силу Текстил» бо иқтидори коркарди 10 ҳазор тонна нахи пахта моҳи августи соли 2016 ва навбати дуюми он 5 ноябри соли 2018 бо иштироки Пешвои миллат муҳтарам Эмомалӣ Раҳмон ба истифода дода шуда буд.
Иштирокчиёни ҷаласа инчунин аз корҳои сохтмонии сиклҳои навбатӣ ва фаъолияти коргоҳи ресандагии корхонаи мазкур шинос шуданд.

"САФО"

Похожие новости:

Добавить комментарий

Ахбор

БЕШ АЗ 432 МИЛЛИОН СОМОНӢ РУХСАТПУЛИИ ОМӮЗГОРОН ПАРДОХТ ШУДААСТ 17:40 ПЕШРАФТ ДАР СОҲАИ МАОРИФИ ХАТЛОН: АЗ СОХТМОН ТО ДАСТОВАРДҲОИ ОЛИМПИАДАВӢ 12:36 ЗИЁДА АЗ 27 ҲАЗОР ҚОНУНВАЙРОНКУНИҲО ОШКОР КАРДА ШУД 12:30 ТАТБИҚИ ЛОИҲАИ “ШАҲРИ БЕХАТАР” ДАР БОХТАР 16:57 Дар ноҳияи Абдураҳмони Ҷомӣ 226 иншооти ҷашнӣ мавриди истифода қарор гирифт 13:45 ҶАЙҲУН ДАР МАСИРИ РУШДИ УСТУВОР ВА СОЗАНДАГӢ 14:33 ТАРБИЯРО АЗ КАДОМ СИННУ СОЛ БОЯД ОҒОЗ КАРД? 14:30 БОНУИ МАТИНИРОДА 13:39

Маҷаллаи №6-2019

Серхонандаҳо

РАИСИ ВИЛОЯТИ ХАТЛОН БО РАИСИ ШӮРОИ ДИРЕКТОРОНИ ШИРКАТИ SHAANXI APPLE GROUP CO., LTD. МАСЪАЛАҲОИ РУШДИ ҲАМКОРИҲОИ САРМОЯГУЗОРӢ ВА БОҒДОРИРО БАРРАСӢ КАРДАНД ҶАЙҲУН ДАР МАСИРИ РУШДИ УСТУВОР ВА СОЗАНДАГӢ БОХТАР. ТАРАБХОНАИ “KFC” БА ФАЪОЛИЯТ ОҒОЗ НАМУД Дар ноҳияи Абдураҳмони Ҷомӣ 226 иншооти ҷашнӣ мавриди истифода қарор гирифт БОХТАР. БОЗСОЗИИ МАҶМААИ “ВАҲДАТ” ОҒОЗ ШУД ТАТБИҚИ ЛОИҲАИ “ШАҲРИ БЕХАТАР” ДАР БОХТАР АВФ – БАХШОИШЕ, КИ САРНАВИШТҲОРО ДИГАР МЕКУНАД АВФ – ОҒОЗИ САҲИФАИ НАВИ ЗИНДАГӢ ДАР ВИЛОЯТИ ХАТЛОН НАТИҶАҲОИ РУШДИ ИҶТИМОИЮ ИҚТИСОДИИ НИМСОЛАИ АВВАЛИ СОЛИ 2026 ҶАМЪБАСТ ГАРДИДАНД ТАРБИЯРО АЗ КАДОМ СИННУ СОЛ БОЯД ОҒОЗ КАРД?