ДАР НОҲИЯИ ЁВОН 10 ИНШООТИ ТОМАКТАБӢ БУНЁД МЕШАВАД

Бо мақсади рушди соҳаи маориф ва фароҳам овардани шароити мусоид барои таълиму тарбияи кӯдакон, дар ноҳияи Ёвон бунёди 10 иншооти томактабӣ дар назди муассисаҳои таҳсилоти миёнаи умумӣ ба нақша гирифта шудааст.

Дар ин хусус аз мақомоти иҷроияи ҳокимияти давлатии ноҳияи Ёвон ба "Сафо" иттилоъ доданд.

Иттилоъ дода шуд, ки 22 октябр дар бинои мақомоти иҷроияи ҳокимияти давлатии ноҳияи Ёвон мулоқоти раиси ноҳия Вализода Икромиддин бо намояндаи «Лоиҳаи инкишофи барвақтии кӯдакон барои густариши сармояи инсонӣ дар Тоҷикистон»-и Вазорати молияи Ҷумҳурии Тоҷикистон баргузор гардид.

Зимни вохӯрӣ ҷонибҳо масъалаҳои муҳими рушди соҳаи маориф, аз ҷумла тавсеаи инфрасохтори таҳсилоти томактабӣ, беҳтар намудани шароити таълиму тарбия ва зиёд намудани фарогирии кӯдакон ба таҳсилоти томактабиро баррасӣ намуданд.

Таъкид гардид, ки дар доираи нақшаҳои рушди иҷтимоию иқтисодии ноҳия ва бо мақсади таҳкими заминаи моддию техникии соҳаи маориф, дар панҷ соли оянда, то ҷашни 40-солагии Истиқлоли давлатии Ҷумҳурии Тоҷикистон, дар назди муассисаҳои таҳсилоти миёнаи умумии ноҳия сохтмони 10 иншооти томактабӣ пешбинӣ шудааст.

Татбиқи ин иқдом имкон фароҳам меорад, ки шароити таълиму тарбияи кӯдакон беҳтар гардида, фарогирии онҳо ба таҳсилоти томактабӣ афзоиш ёбад. Ҳамзамон, бунёди иншооти нав барои таҳкими заминаи моддию техникии соҳаи маориф ва фароҳам овардани имкониятҳои бештари рушди кӯдакон дар марҳилаи аввали ҳаёт мусоидат хоҳад кард.

Дар анҷоми мулоқот ҷонибҳо оид ба масъалаҳои баррасишуда ва ҳамоҳангсозии тадбирҳои минбаъда ҷиҳати татбиқи нақшаҳои пешбинишуда мубодилаи афкор намуданд.

С. СУЛТОНОВ

Похожие новости:

Добавить комментарий

Ахбор

ҶАЙҲУН. ҲОСИЛИ САБЗӢ ФАРОВОН АСТ 12:16 ШИНОСОИИ РАИСИ ВИЛОЯТ АЗ МАКОНИ БУНЁДИ НИШОНИ ДАВЛАТӢ ДАР НОҲИЯИ АБДУРАҲМОНИ ҶОМӢ 16:34 ДАР НОҲИЯИ АБДУРАҲМОНИ ҶОМӢ БИНОИ ИЛОВАГИИ ТАЪЛИМӢ БАРОИ 200 ХОНАНДА БА ИСТИФОДА ДОДА ШУД 15:30 БОЗДИД АЗ РАВАНДИ МУМФАРШКУНИИ РОҲИ МОШИНГАРДИ ДЕҲАИ КӮШОНОБОДИ НОҲИЯИ АБДУРАҲМОНИ ҶОМӢ 14:26 ИШТИРОКИ РАИСИ ВИЛОЯТ ДАР МАЪРАКАИ ПАХТАЧИНӢ ВА СУҲБАТ БО РАИСОНИ ҶАМОАТҲО ДАР НОҲИЯИ АБДУРАҲМОНИ ҶОМӢ 12:21 РАИСИ ВИЛОЯТ БО РАИСОНИ ШАҲРУ НОҲИЯҲО ҶАЛАСАИ КОРИИ МАҶОЗӢ БАРГУЗОР НАМУДАНД 12:11 ДАР НОҲИЯИ ЁВОН 10 ИНШООТИ ТОМАКТАБӢ БУНЁД МЕШАВАД 12:07 ДАВЛАТАЛӢ САИД БО САФИРИ БЕЛАРУС МАСЪАЛАҲОИ ГУСТАРИШИ ҲАМКОРИҲОИ ТИҶОРАТИЮ ИҚТИСОДӢ ВА КИШОВАРЗИРО БАРРАСӢ КАРДАНД 12:03

Маҷаллаи №6-2019

Серхонандаҳо

ДАЪВАТИ ТИРАМОҲӢ БА САФҲОИ ҚУВВАҲОИ МУСАЛЛАҲ ДАР ВИЛОЯТИ ХАТЛОН ДАР РӮЗИ АВВАЛ 76 ФОИЗ ИҶРО ШУД Дилрабои Ҳотамшо мураббии соли Тоҷикистон шуд “Хушдомани беҳтарин” муайян гардид ЭМОМАЛӢ РАҲМОН ЁВОН. МУМФАРШКУНИИ 3 КИЛОМЕТР РОҲИ МАҲАЛЛӢ ОҒОЗ ГАРДИД Гулҳои Гулсара 5 МАҲСУЛОТИ НОДИР БАРОИ САЛОМАТӢ МАРДИ МЕҲНАТ ЗАБОН- НЕЪМАТИ БЕБАҲОИ МИЛЛАТ ПАНДИ МОДАР