23 май 17:47АСОСӢ / Ахбор / Варзиш / Ҷавонон / Иҷтимоъ

ДАР АТРОФИ ПЕШВОИ ҶАВОНПАРВАРИ ХУД БОШЕМ

Бо ба даст омадани Истиқлолияти давлатӣ, яке аз самтҳои муҳим ва афзалиятноке, ки Ҳукумати Ҷумҳурии Тоҷикистон ба он таваҷҷуҳи бештар намуд, ин сиёсати давлатии ҷавонон дар мавриди тарбияи дурусти насли наврас, баланд бардоштани сатҳи маърифати ҳуқуқии ҷавонон, ташаккули ҳисси худогоҳиву худшиносӣ ва эҳтироми онҳо нисбат ба Конститутсия ва қонунҳои миллӣ мебошад. Дар ин раванд ҷавонони соҳибкасбу бомаърифат ва донишманд тавонистанд дар рушду нумӯи соҳаҳои муҳими ҳаёти кишвар саҳми бештар гузошта, сазовори боварии давлат ва Ҳукумати кишвар гарданд.

Сарвари давлат муҳтарам Эмомалӣ Раҳмон иброз менамояд, ки «Мақсади сиёсати давлатии мо дар соҳаи кор бо ҷавонон аз тарбияи кадрҳои маданию маълумотдор ва мутахассисону наслҳои дараҷаи дониши васеъдошта ва ватандӯст иборат аст».

Месазад, ки мо - ҷавонон барои худ пеш аз ҳама аз дарсҳои худшиносии миллӣ ва ватанпарастии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сабақ бигирем. Зеро ҳаёти рӯзмарра собит сохт, ки дар замони бархурди тамаддунҳо ва манфиатхоҳӣ бояд аз ҳар вақта дида бештар зираку доно ва соҳибақлу заковат бошем, то туъмаи фитнагарону бадхоҳони миллат нагардида, ҳамчун фарзандони содиқи Ватан барои рушду нумӯи сарзамини аҷдодиамон саҳм гузорем.

Ободии ин Ватан аз мо ва хизмату талошҳоямон вобаста аст. Ягон бегонае аз диёри дигар Ватани моро обод нахоҳанд кард . Аз ин рӯ, мо бояд камари ҳиммат баста, кӯшиш кунем ки дар атрофи Пешвои ҷавонпарвари худ истода, бо илму дониш ва маънавиёти худ бар ҳама гуна тазодҳои бад мубориза барем.

Рухшонаи Шералӣ,

Мудири бахши кор бо ҷавонон ва варзиши ш. Бохтар

Похожие новости:

Добавить комментарий