23 май 17:38АСОСӢ / Ахбор / Ҷавонон / Иҷтимоъ

Ҷавонӣ – даврони илмомўзӣ

Хушҳол аз онам, ки дар фазои сулҳу суботи ватани азизамон – Тоҷикистон ба воя расида, имрӯз ҳамчун як узви фаъоли ҷомеа кору зиндагӣ менамоям. Мо насли хушбахти замонем, ки барои рушди ҳамаҷонибаамон дар мамлакат тамоми шароиту имконот фароҳам оварда шудааст, то ин ки пеш аз ҳама илму дониш омӯхта мутахассиси касби худ гардем.

Ман, баъди хатми мактаби миёна ба факултаи иқтисодии Донишгохи давлатии Бохтар ба номи Носири Хусрав дохил шуда, солҳои 2017- 2018 таҳсиламро дар бахши магистратураи Донишгоҳи славянии Тоҷикистону Россия аз рӯи ихтисоси менеҷменти байналмилалӣ идома додам. Дар ин миён ҳамчун мутахассиси ҷавон дар созмонҳои мухталиф фаъолият намуда, малакаи касбиамро баланд бардоштам. Аз соли 2013 то ин ҷониб дар ташкилоти ҷамъиятии “Томирис” фаъолият намуда истодаам. Кор дар ин созмон маро водор намуд, ки боз ҳам дар пайи илму дониш бошам ва самтҳои дигари соҳаи кор бо ҷавонону калонсолонро аз худ намоям. Ҳамин тавр соли 2020 дар Донишгоҳи миллии Тоҷикистон таҳсил намуда, таълими калонсолонро ҳам аз худ кардам. Ин ҳамаро ман муваффақияти худ мешуморам. Зеро дар ҷавонӣ беҳтарин амал илмомӯзӣ аст, ки албатта дар ҳолати даркорӣ он самаровар мегардад.

Устоди аввалин ва беҳамтои ман ҳоҳари калониам Раъно Ҷумъаева мебошад. Ӯст, ки маро аз давраи мактабхониам раҳнамоӣ намуда, бо дастгириҳои бемислаш ба мурод расонидааст ва барои ин ҳама аз вай як умр миннатдорам.

Ба андешаи ман, агар ҳар як нафар пеш аз ҳама хоҳиш, ба худ боварӣ ва иродаи донишомӯзӣ дошта бошад, албатта дар ин ё он арса муваффақ мешавад.

Дар давоми фаъолияти худ борҳо ба хориҷи кишвар сафар намуда, табодули таҷриба ва афкор намудам. Ҳоло бо хоњиши дил дар касбу кори дӯстдоштаам фаъолият намуда, талош бар он дорам, ки донишу малака, ҳунару маҳорат ва ҷаҳонбинии худро баҳри рушди тафаккури зеҳнии наврасону ҷавонон ва дар роҳи хизмат ба Ватан сарф намоям.

Дилноза Ҷумъаева

Похожие новости:

Добавить комментарий