Маҷаллаи Сафо
Маслиҳати муфид
Номаҳо
ПЕШНИҲОДИ ҶОЙИ КОР БА КОРҶӮЁН
Масъулини Раёсати Хадамоти муҳоҷират дар вилояти Хатлон дар якҷоягӣ бо Раёсати Агентии шуғли аҳолӣ дар вилоят дар мардикорбозори шаҳри Бохтар ярмаркаи ҷойҳои кории холиро баргузор карданд. Дар ин ярмаркаи ҷойҳои кории холӣ корҷӯёне, ки ҳамарӯза дар ин маврзеъ ҷамъ мешаванд, иштирок карданд.
Тавре аз дафтари матбуотии Раёсати Хадамоти муҳиҷират дар вилоят ба “Сафо” иттилоъ доданд, дар ярмаркаи мазкур бештар ташкилоту идораҳои ноҳияи Кӯшониён ва ҶСП “Ҷунтай-Данғара син силу текстайл” ширкат варзида ба корҷӯён ҷойҳои кории холиро пешниҳод карданд.
ҶСП “Ҷунтай-Данғара син силу текстайл” барои корҷӯён 500 ҷойи кор аз рӯи ихтисосҳои барқчӣ, дӯзанда, кафшергар, ресанда, таъмиргар ва рангуборгар пешниҳод кард, ки маоиши моҳона аз 1500 то 2000 сомонӣ мебошад. Ҳамчунин дар ин ширкат нафароне, ки ба кор қабул мегарданд, бо ҷойи хоб, нақлиёт ва як вақт хӯроки гарм таъмин карда мешаванд.
Раёсати Хадамоти муҳоҷират дар вилоят ба бахшу шуъбаҳои зертобеи хеш дастур додааст, ки муҳоҷирони меҳнатии вурудашон ба кишварҳои қабулкунандаи муҳоҷирон манъбударо барои кор дар ин ширкат тавсия бидиҳанд.
Сулаймон СУЛТОНОВ
Добавить комментарий
Ахбор
БЕШ АЗ 432 МИЛЛИОН СОМОНӢ РУХСАТПУЛИИ ОМӮЗГОРОН ПАРДОХТ ШУДААСТ 17:40ПЕШРАФТ ДАР СОҲАИ МАОРИФИ ХАТЛОН: АЗ СОХТМОН ТО ДАСТОВАРДҲОИ ОЛИМПИАДАВӢ 12:36ЗИЁДА АЗ 27 ҲАЗОР ҚОНУНВАЙРОНКУНИҲО ОШКОР КАРДА ШУД 12:30ТАТБИҚИ ЛОИҲАИ “ШАҲРИ БЕХАТАР” ДАР БОХТАР 16:57Дар ноҳияи Абдураҳмони Ҷомӣ 226 иншооти ҷашнӣ мавриди истифода қарор гирифт 13:45ҶАЙҲУН ДАР МАСИРИ РУШДИ УСТУВОР ВА СОЗАНДАГӢ 14:33ТАРБИЯРО АЗ КАДОМ СИННУ СОЛ БОЯД ОҒОЗ КАРД? 14:30БОНУИ МАТИНИРОДА 13:39
Маҷаллаи №6-2019
Серхонандаҳо
