ИД КАЙ ТАҶЛИЛ МЕШАВАД?

Ба эҳтимоли зиёд, рӯзи ҷумъа, 21 апрели соли равон Иди Рамазон таҷлил карда мешавад. Тибқи ҳисоботи пешакӣ моҳи Рамазони имсола 29 – рӯзро дар бар мегирад. Дар ин бора маҷаллаи “Дин ва ҷомеа” – нашрияи расмии Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон хабар додааст. 

Ин маҷалла навиштааст, ки “Аввали ҳафтаи оянда ҷаласаи навбатии Шӯрои уламо ҷиҳати муайян намудани рӯзи Иди Рамазон баргузор мегардад. Тибқи ҳисобҳои пешакӣ рамазони имсола 29 рӯзро ташкил медиҳад. Ҳамин тавр, ба ҳтимоли зиёд рӯзи ҷумъа, 21 апрел Иди Рамазон таҷлил мешавад.” 

Имсол моҳи шарифи Рамазон 23 – март оғоз гардида буд. Тибқи қарори Шӯрои уламо имсол фитри рӯза 7 сомонӣ, нисоби закот аз 32 ҳазор сомонӣ, ки аз ин 800 сомонӣ закот пардохт мешавад ва фидяи савм барои соҳибони узри шаръӣ ба миқдори 420 сомонӣ барои 30 рӯз муайян гардидааст. 

Сулаймон СУЛТОНОВ