06 апр 18:35Ахбор / Рушди деҳот, сайёҳӣ ва ҳунарҳои мардумӣ / Ҷамъият / Маърифат ва тандурустӣ

ОЗМУНИ "САЙРИ ГУЛИ ЛОЛА" ҶАМЪБАСТ ГАРДИД

Дар шаҳри Бохтар фестивал-озмуни вилоятии "Сайри гули лола" ҷамъбаст гардид.

Муовини якуми раиси вилояти Хатлон Салимзода Амонулло зимни баромади худ иттилоъ дод, ки то ба имрӯз дар ҳудуди вилоят ба миқдори 788 ҳазору 949 бех ниҳол аз он ҷумла қариб 400 ҳазор бех дарахтони сояафкан, 210 ҳазору 607 бех ҳамешасабз ва 181,5 ҳазор бех дарахтони ороишӣ шинонида шудааст.

Инчунин қариб 8 миллион бех гулу гулбутта - лола, садбарг ва гулҳои гуногуни мавсимӣ шинонида шудаааст.

Ҳамин тариқ тибқи хулосаи Кумитаи тадорукоти озмун ноҳияи Данғара сазовори ҷои якум, Ҳамадонӣ ҷои дуюм ва ноҳияи Хуросон ҷои сеюм, аз миёни шаҳрҳо Кӯлоб ҷои якум, Бохтар ҷои дуюм ва шаҳри Норак ҷои сеюмро ишғол намуданд.

Дар миёни ташкилоту муассисаҳои вилоятӣ Мақомоти иҷроияи ҳокимияти давлатии вилояти Хатлон сазовори ҷои якум, Донишгоҳи давлатии Бохтар ба номи Носири Хусрав сазовори ҷои дуюм ва Беморхонаи клиникии вилоятии ба номи Бӯрӣ Воҳидови шаҳри Бохтар сазовори мақоми сеюм дониста шуданд.

Инчунин аз рӯи номинатсияҳои «Гулпарвари беҳтарин, гулгашт ва хиёбон, боғҳои фарҳангию фароғатӣ, деҳа, маҳалла, деҳот, шаҳрак, ноҳия ва шаҳр» ба 30 нафар ғолибон аз ҷониби Мақомоти иҷроияи ҳокимияти давлатии вилояти Хатлон диплом тақдим карда шуд.

Сулаймон СУЛТОНОВ

Похожие новости:

Добавить комментарий