Амалиёти “ПИЁДАГАРД” рафта истодааст

Давоми як моҳи январи соли равон дар ҳудуди вилояти Хатлон 24 ҳодисаи роҳу нақлиёт ба қайд гирифта шудааст, ки 10 ҳолати он бо иштироки пиёдагардон рух додааст. 
Ба иттилои Ёрмаҳмад Давлатов, сухангӯи Бозрасии давлатии автомобилӣ дар вилояти Хатлон дар натиҷаи ин ҳодисаҳо, мутаассифона 21 нафар ба ҳалокат расида, 30 нафари дигар ҷароҳатҳои гуногун бардоштаанд.
Ба хотири пешгирӣ аз ин гуна ҳодисаҳои роҳу нақлиёт аз 10 то 20-уми феврали соли ҷорӣ дар ҳудуди вилоят амалиёти “Пиёдагард” гузаронида шуда истодааст. 
-Аз ронандагон ва пиёдагардон хоҳиш карда мешавад, ки ҳангоми ҳаракат дар роҳ аз эҳтиёт кор бигиранд ва ҳаёти худу дигаронро зери хатар нагузоранд, - гуфт Ё. Давлатов.
Сулаймон СУЛТОНОВ