Зиёда аз 6 тонна хун ҷамъоварӣ шудааст

Соли 2022 дар филиали Муассисаи давлатии Маркази ҷумҳуриявии илмии хуни шаҳри Бохтар ба миқдори 6,2 тонна хуну плазма ҷамъоварӣ шудааст. 
Дар ин бора директори муассисаи мазкур Ҷурахон Саидов ба “Сафо” иттилоъ дод.
Ба таъкиди ӯ ин миқдор хуну зардоби хун аз 9344 донор ҷамъоварӣ шуда, дар асоси дархост ба беморхонаҳо дастрас гардидааст.
 -Ба Марказ барои ҳавасмандгардонии донорҳо аз ҳисоби буҷети ҷумҳурӣ зиёда аз 600 ҳазор сомонӣ ҷудо гардида буд, ки донорҳо аз он баҳравар гардиданд. Инчунин барои донорҳои фаъоле, ки бо Марказ ҳамкории хуб доранд ҳавасмандгардонӣ зиёдтар карда мешавад, - гуфт Ҷ. Саидов.
Гуфта шуд, ки дар Марказ тамоми шароити муосир барои муайян кардани таркиби хуб, нигоҳдорӣ ва интиқоли он ба беморхонаҳо муҳайё карда шудааст. 
Инчунин дар Марказ бригадаи сайёр фаъолият мекунад, ки ба минтақаҳо сафар карда, аз он ҷо хун ҷамъоварӣ мекунанд. 
Сулаймон СУЛТОНОВ