Дастоварди беназири Шаҳло

  Соли 2022 барои Шаҳло Сайдалиева, хонандаи синфи 9-и муассисаи таҳсилоти миёнаи умумии №8-и ноҳияи Данғара  соли хотирмону фармушношуданист. Ӯ дар Озмуни ҷумҳуриявии «Фурӯғи субҳи доноӣ китоб аст»  аз рӯйи номинтасияи «Адабиёти муосир»  иштирок намуда, дар даври ҷумҳуриявӣ ҷои аввалро соҳиб гашт.
Дар маросими тантанавии ҷамъбасти Озмун Шаҳло Сайдалиева  соҳиби  Шоҳҷоиза  ва 70 ҳазор сомонӣ қадрдонӣ гардид . 
Тавре зикр гаридааст тибқи Низомномаи  Озмун, ғолиби мутлақ дар байни ғолибони ҳамаи номинатсияҳо бо баргузории озмуни алоҳида интихоб мегардад ва номи шахси пирӯз дар маросими ҷоизасупорӣ  эълон карда мешавад. 
   Бояд зикр намуд, ки озмуни ҷумҳуриявии «Фурӯғи субҳи доноӣ китоб аст» бо ибтикори Асосгузори сулҳу ваҳдати миллӣ- Пешвои миллат муҳтарам Эмомалӣ Раҳмон эълон гардида, соли  чорум аст, ки  ҷараён дорад. Ҳадаф аз он баланд бардоштани завқи китобхонӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ мебошад. Дар ҷамъбасти ниҳоӣ иштирокчиёни озмун аз  вилояти Хатлон соҳиби 17 ҷой гаштанд. Шоҳҷоиза муборак, Шаҳло!