ДАР ПАНҶ СОЛ 327 ИНШООТ СОХТА МЕШАВАД

Тавре зимни суҳбат мудири шуъбаи меъморӣ ва шаҳрсозии Мақомоти иҷроияи ҳокимияти давлатии ноҳияи Шаҳритус Эркин Туйчиев иброз кард, дар давоми моҳҳои сипаригардидаи соли ҷорӣ, аз ҷамъи умумии иншооти бунёдшаванда, аллакай 30 адади он сохта ба истифода дода шуд, ки дар онҳо 69 нафар сокинони маҳаллӣ бо ҷойи кори доимӣ ва маоши хуб таъмин шуданд. 
Гуфта шуд, ки боз дар 188 иншоот корҳои сохтмонӣ бо маром идома доранд, ки марҳила ба марҳила мавриди баҳрабардорӣ қарор дода мешаванд. 
Аз 327 иншооте, ки ба нақша гирифта шудааст, 16 адад ба соҳаи маориф, 51 адад ба соҳаи тандурустӣ, 34 адад ба соҳаи саноат, 1 адад ба соҳаи фарҳанг, 10 адад дар самти варзиш, 2 адад ба соҳаи кишоварзӣ, 1 адад ба соҳаи сайёҳӣ ва ҳунарҳои мардумӣ тааллуқ дошта, 25 адад дар самти таъмири роҳҳо ва 3 адади дар самти кашидани хати оби нӯшокӣ нақшабандӣ шудааст. Инчунин то ин ҷашни фархунда 116 адад маркази савдою хизматрасонӣ ва 68 адад дигар иншоот бояд сохта шаванд.
Сулаймон СУЛТОНОВ