Ноҳияи Ҷайҳун худкифо мешавад

Аз нишастҳои матбуотӣ 

Раиси ноҳияи Ҷайҳун Абдулҳафиз Одиназода зимни нишасти матбуотии хеш гуфт, ки то соли 2024 ноҳияи Ҷайҳун пурра аз маблағҳои субвенсионии вилояту ҷумҳурӣ даст мекашад.
Гуфта шуд, ки бо мақсади амалигардонии ин иқдом дар ноҳия бунёди як парки технологӣ ба нақша гирифта шудааст, ки дар он зиёда аз 10 коргоҳу корхонаҳои саноатӣ сохта мешаванд. 
Аллакай барои бунёди парки технологӣ ҷойи замини сохтмон муайян гардида, соҳибкорон барои бунёди корхонаҳо ҷалб гардидаанд. 
Дар баробари бунёди парки технологӣ, инчунин дар доираи нақша – чорабиниҳо бахшида ба ҷашни 35 – солагии Истиқлолияти давлатии Ҷумҳурии Тоҷикистон бунёди 504 иншоот ба нақша гирифта шудааст, ки аз ин шумора 34 ададаш корхонаҳои истеҳсолӣ мебошанд. 
Ҳамчунин давоми панҷ соли оянда дар ноҳия бунёди 113 гармхона барои парвариши меваҳои ситрусӣ ва қулфинай, панҷ сардхона ва  ду корхонаи истеҳсоли шарбат ба нақша гирифта шудааст, ки барои пурра худкифо намудани ноҳияи Ҷайҳун мусоидат хоҳанд кард.
  
Сулаймон СУЛТОНОВ