Истеҳсоли маҳсулоти кишоварзӣ афзудааст

Давоми шаш моҳи сипаригаштаи соли 2022 дар ҳамаи бахшҳои хоҷагидории ноҳияи Кӯшониён ҷамъ 13 ҳазору 661 тонна ғалладонагӣ, 18 ҳазору 107 тонна картошка, 81 ҳазору 827 тонна сабзавот, 6665 тонна полезӣ, 8270 тонна меваҷот ва 146 тонна ангур ҷамъоварӣ шудааст.
Дар ин бора раиси ноҳияи болозикр Икромиддин Вализода зимни нишасти матбуотӣ иттилоъ дод.
Гуфта шуд, ки ин нишондод нисбат ба ҳамин давраи соли гузашта мутаносибан аз 100,1 то 114, 4 фоиз зиёд мебошад. 
Ба ҳолати 1 июли соли ҷорӣ аз ҳудуди ноҳия ба хориҷи кишвар 4500 тонна маҳсулоти кишоварзӣ содирот гардидааст, ки 100 фоизи нақшаи пешбинишударо ташкил медиҳад.
Фаъолияти кишоварзони ноҳия дар асоси дурнамои тасдиқнамудаи Ҳукумати Ҷумҳурии Тоҷикистон ба роҳ монда шуда, тибқи маълумотҳо ба ҳолати 1 июли соли ҷорӣ дар майдони 1244 гектар ғалладона, 176 гектар маккаи дон, 188 гектар шолӣ, 1732 гектар сабзавот, 453 гектар картошка, 180 гектар полезӣ, 11 ҳазору 453 гектар зироатҳои техникӣ, аз он ҷумла 11 ҳазору 320 гектар пахта ва 747,6 гектар зироатҳои хӯроки чорво кишт шудааст. 

Сулаймон СУЛТОНОВ