Бунёди корхонаи равғанбарорӣ

   Аз нишастҳои матбуотӣ

  Бо ташаббуси раиси ноҳияи Носири Хусрав Маҳмадаюб Шарифзода дар ноҳия як корхонаи равғанбарорӣ бунёд карда мешавад. Дар ин бора раиси ноҳияи болозикр зимни нишасти матбуотии хеш, ки 2 августи соли ҷорӣ баргузор гардид, иттилоъ дод. 
Номбурда афзуд, ки чанд маротиба ба соҳибкорон нисбати бунёди чунин корхона пешниҳод карда шуд. Аммо аз сабаби ноҳияи дурдаст будан, соҳибкорон ин иқдомро дастгирӣ накарданд. Аз ин хотир худи раиси ноҳия тасмим гирифтааст, ки ин корхонаро бунёд кунад.
Аллакай барои ҷудо гардидани қитъаи замин ариза пешниҳод шудааст. Баъди ҷудо шудани қитъаи замин, сохтмон оғоз мегардад. Дар назар аст, ин корхона 10 нафарро бо ҷои кори доимӣ таъмин созад.
Ҳамчунин дар ноҳия то ҷашни 35- солагии Истиқлолияти давлатӣ бунёди 102 иншооти таъиноти гуногун ба нақша гирифта шудааст, ки аз ин шумора 20 ададаш коргоҳу корхонаҳои саноатӣ мебошанд. 

Сулаймон СУЛТОНОВ