Гулкарам

- Неъматҳои табиат -

Азбаски дар таркиби гулкарам витаминҳои зиёд мавҷуданд, онро шоҳи сабзавотҳо ном мебаранд. Ҳамагон хуб медонем, ки дар такриби афлесун Витамини С, масъалан дар сабзӣ кератин ба қадри кофӣ мавҷуд аст. Набояд фаромӯш кард, ки дар таркиби гулкарам қисми зиёдашро йод ва витаминҳо ташкил медиҳад, ки ба организми инсон манфиатбахш аст. Ба он нафароне, ки мехоҳанд вазни зиёдатии худро партоянд беҳтарин ғизо аст, зеро дар 100 грамми гулкарам 30 килокалорий мавҷуд аст. Тибқи хулосаи мутахассисон дар таркиби ин навъи сабзавот бисёр витаминҳо мавҷуд аст, ки ба организми инсон манфиатовар мебошад.
Витамин В барои баланд бардоштани фаъолияти ҷисмонӣ ва хотираро хуб мекунад
Витамин А сарчашмаи мустаҳкамии иммунитет ва дандону устухонҳо мебошад. Аз ҷумла витамин А дар пешгирии бемориҳои дилу рагҳо ва узви биноӣ мусоид аст.
Витамин С дар мубориза бурдани организм бо дигар бемориҳо, инчунин мустаҳкамии иммунитет кумак мекунад
Витамин К лахташавии хунро хуб намуда, захмҳоро зуд шифо мебахшад.
Барои кӯдаконе, ки бори аввал ба истеъмоли ғизо шурӯъ мекунанд, гулкарам аз ҳама ҷиҳат манфиатбахш ва безарар мебошад. Инчунин ин сабзавот дар пешгирии бемории саратон муфид аст. Истеъмоли пайвастаи гулкарам дар кутоҳтарин муддат холестеринро муътадил мегардонад. Барои он нафароне, ки вазни зиёдатӣ доранд, истеъмоли гулкарам тавсия дода мешавад. Зеро он организмро ҷавон ва намуди зоҳирии инсонро хуб намуда, хасташавӣ ва асабониятро рафъ месозад.
Намакобе, ки дар он гулкарам пухта шудааст, барои тоза намудани ҷигар истифода мебаранд. Ҳамчунин барои қабзияти шикам давои хуб аст.

Шарбати гулкарам
Шарбати гулкарамро бо об омехта намуда, ба милки дандон молем шамолхурии милки дандонро шифо мебахшад. Барои зебогии пӯсти рӯй, мӯйи сар ва сабӯсаки мӯй низ бонувон метавонанд аз шарбати ин сабзавоти сервитамин истифода баранд.
            Таҳияи АЗИЗА