29 ноя 11:36АСОСӢ / Ахбор / Ҷамъият / Иҷтимоъ / Маърифат ва тандурустӣ / Маслиҳати муфид

АНҶИР: ҲАМ ҒИЗО, ҲАМ ДАВО

БЕҲТАР ШУДАНИ УЗВҲОИ ҲОЗИМА

Нахҳое, ки дар барги анҷир мавҷуданд, фаъолияти рӯдаро беҳтар намуда, ба коҳиши қабзият мусоидат мекунанд.

НАЗОРАТИ МЕЪЁРИ ҚАНД ДАР ХУН

Чой аз баргҳои анҷир метавонад индекси гликемикии ғизоро паст кунад ва ниёз ба инсулинро кам намояд, ки ин махсусан барои беморони гирифтори диабети навъи 2 муфид аст.

МУОЛИҶАИ БЕМОРИИ ПӮСТ

Баргҳои тарро ба ҷойҳое, ки аз лишай, захм ё чирк пурра осеб дидаанд, мегузоранд. Шираи сафеди анҷирро барои аз байн бурдани доғҳои рӯй истифода мебаранд. Инчунин, баргҳои тарро метавон ба ҷойҳои осебдидаи пӯст, захмҳо ва чиркҳо гузошт. Ҳангоми бемории витилиго баргҳои анҷирро метавон барои баргардонидани ранги табиии пӯст истифода кард.

ТАЪСИРИ ЗИДДИИЛТИҲОБӢ

Баргҳои анҷир барои муолиҷаи раванди илтиҳобӣ истифода мешавад ва дар ҳолати бемориҳои астмаи бронхӣ ва бронхит кумак мерасонад.

КӢ БОЯД АЗ ИСТЕЪМОЛИ АНҶИР ДАСТ КАШАД?

Анҷирро бояд бо эҳтиёт истеъмол кард, аз ҷумла он нафароне, ки доруҳои моеъкунандаи хунро қабул мекунанд. Витамини К, ки дар анҷир зиёд аст, метавонад таъсири ин доруҳоро кавӣ кунад. Ба одамоне, ки гирифтори диабети қанд ҳастанд, беҳтар аст анҷир нахӯранд, зеро миқдори шакар дар он баланд аст.

ОДАМОНИ ГИРИФТОРИ ПОДАГРА

Кислотаи шавели (шавелевая кислота), ки дар анҷир мавҷуд аст, метавонад ташаккули кислотаи пешобро зиёд намояд ва нишонаҳои подаграро шиддат бахшад.

ТАЪСИР БА ҲОМИЛАДОРӢ

Истеъмоли зиёди анҷир метавонад кӯтоҳ шудани мушакҳои бачадонро таҳрик диҳад. Бинобар ин занони ҳомила бояд эҳтиёт кунанд, махсусан дар муддати аввали ҳомиладорӣ.

"САФО"

Похожие новости:

Добавить комментарий