Маҷаллаи Сафо
Шеъру адаб
Чеҳра
Маслиҳати муфид
Номаҳо
АЗ РУШОН ТО ДӮСТӢ: ҲАЁТИ ЯК ФИДОИИ МАОРИФ
Муаллима Хоҷабегим Қурбонмамадова аз Вилояти Мухтори Кӯҳистони Бадахшон ба ноҳияи Дӯстӣ омада, зиёда аз 40 сол аст, ки дар тарбияи насли наврас саҳми арзанда мегузорад. Вай ҳамчун омӯзгори синфҳои ибтидоӣ садҳо шогирдро ба роҳи дониш роҳнамоӣ карда, бо меҳнати содиқона дар дилу дидаи мардум ҷой гирифтааст.
Тоҷикистон бо табиати биҳиштосо, кӯҳҳои сар ба афлок, обҳои поку зулол, манзараҳои зебою нотакрор шуҳрати олам гардидааст. Соҳибватани мо, муаллимаи синфҳои ибтидоии муассисаи таҳсилоти миёнаи умумии рақами 43-и Ҷамоати деҳоти Ҷиликӯли ноҳияи Дӯстӣ Хоҷабегим Қурбонмамадова маҳз дар чунин табиати муъҷизаофари ноҳияи Рушони Вилояти Мухтори Кӯҳистони Бадахшон, дар оилаи муаллим Гулосмамад Қурбонмамадов соли 1961 чашм ба олами ҳастӣ кушодааст. Ӯ аз модараш Назарбегим Давлатқадамова ва падари бузургвораш як умр сипосгузор мебошад, зеро роҳи дуруст, муаллима шуданро дар дилаш волидони азизаш ҷо намудаанд. Ӯ аз касби интихобкардааш ҳаргиз пушаймон нест.
Муаллима Хоҷабегим Қурбонмамадова соли 1979 мактаби миёнаи рақами 17-и ноҳияи Рушонро бомуваффақият хатм карда, ҳуҷҷатҳояшро ба факултаи биологияи Донишгоҳи педагогии ба номи Тарас Григоревич Шевченкои шаҳри Душанбе (ҳоло Донишгоҳи омӯзгории ба номи Садриддин Айнӣ) супорида, донишҷӯ гардид. Аз устодони даврони мактабӣ Назармоҳ Раҷабова, Паҳлавон Яхшибеков, Сардори Раҳдор ва профессорони айёми донишҷӯияш ба некӣ ёд менамояд, зеро инҳо ва боз даҳҳо устодони дигар дар дили ӯ меҳру муҳаббатро ба илму дониш, хирад бедор карда, ба фатҳи қуллаҳои баландтари омӯзиши осори бегазанди шоирони адабиёти классики тоҷик ва муосир, навигариҳои илмҳои химия ва биология, техника ва технологияи навин ҳидояташ намуданд.
Муаллима дар замони соҳибистиқлолии давлати тозабунёд ва соҳибтамаддуни тоҷик аз дастгирии Ҳукумати Ҷумҳурии Тоҷикистон, бахусус, ғамхории падаронаи Пешвои муаззами миллат муҳтарам Эмомалӣ Раҳмон, баланд бардоштани мақому мартабаи омӯзгор ва зиёд гардидани маоши кормандони соҳаи маориф хеле сипосгузор аст.
– Бо амри тақдир аз Рушон ба деҳаи Ленинобод (ҳоло деҳаи Шаҳдрези Ҷамоати деҳоти Ҷиликӯли ноҳияи Дӯстӣ) келин шуда омадам. Тақдирамро бо Умрон Холиқов пайвастам. Он солҳо дар деҳа ягон зан муаллима набуд. Бинобар ин ҳарчанд факултаи биологияро хатм карда бошам ҳам, вале бо хоҳиши маъмурияти шуъбаи маориф, мактабу падару модарон муаллимаи синфҳои ибтидоӣ шудам, зеро мактаб ба чунин омӯзгорон ниёзи бештаре дошт. Хишти аввалини фардои ватандорӣ аз синфҳои ибтидоӣ оғоз меёбад. Беш аз 40 сол мешавад, ки омӯзгори синфҳои ибтидоии дабистони рақами 43-и ноҳияи Дӯстӣ мебошам ва рисолати омӯзгориамро содиқона иҷро мекунам. Шодам, ки шогирдони зиёдеро ба камол расонидаам, – арзи матлаб намуд муаллима.
Дар ҳақиқат, мактаб даргоҳи муқаддаси омӯзиши илму дониш ва маркази таълиму тарбия буда, барои ташаккул ёфтани ақлу заковат, зеҳну шуур, бедории афкор, одоби шоиста ва ахлоқи ҳамидаи насли наврас заминаи асосӣ ба шумор меравад. Маҳз бо ибтикори Президенти мамлакат ҳар сол баргузор кардани озмунҳои ҷумҳуриявии «Илм – фурӯғи маърифат», «Фурӯғи субҳи доноӣ китоб аст», «Тоҷикистон – Ватани азизи ман» ва дар соли 2026 баргузор кардани озмуни «Шоҳномахонӣ» масъулияти мактаб, омӯзгор, шогирдон ва падару модарро дучанд мегардонад.
Имрӯз шогирдони муаллима дар тамоми гӯшаю канори мамлакат дар вазифаҳои масъул фаъолият дошта, дар ободии Ватан, пешрафту шукуфоии ҷомеа ҳиссагузоранд. Фарзандонаш Беҳрӯз, Ҷаҳонгир, Бедил ва Робия дар бунёди Неругоҳи барқи обии Роғун, ҳифзи амнияти ҷомеа ва эъмори давлати тозаистиқлоли тоҷик саҳми арзанда доранд.
Муаллима дар бунёди ду синфхонаи иловагӣ дар мактаб ҳамроҳи омӯзгорону аҳли деҳа ҳиссагузорӣ намудааст. Падару модарон хоҳиши онро доранд, ки фарзандонашон аз чунин омӯзгорон сабақ гиранд. Имсол 30 – нафар дӯстрӯякони синфҳои якум аз ин устоди гиромиқадр сабақ мегиранд, ки ин ба боварию эътимоди халқ сазовор шудан мебошад.
Тавассути меҳнат соҳибэҳтиром гардидан боиси ифтихори чунин соҳибватанҳо мебошад, зеро ҳама фазилатҳои неки инсонӣ пайваста ҳамдаму ҳамнафаси эшон аст.
Дӯст доштани Ватан, тарбияи наслҳои ояндасози миллат аз гӯшаи имондорию ватандорист. Ин роҳ инсонро ба қуллаи мақсуд мерасонад.
Саидзода Шералӣ, н. Дӯстӣ
Добавить комментарий
Ахбор
ЖУРНАЛИСТЕ, КИ ҶАҲОНРО БО ДИЛ МЕШУНАВАД 12:02ҶАВОНОН ДАР МАСИРИ ХУДСОЗИВУ ВАТАНДОРӢ 11:57ШУТУРМУРҒПАРВАРӢ ДАР ШАҲРИТУС: 11:52БОХТАР. БОЗ ЯК КӮДАКИСТОНИ НАВУ ЗАМОНАВӢ БУНЁД МЕШАВАД 15:00ҶАВОНОН САРМОЯИ БУЗУРГИ МИЛЛӢ 12:08ҶАЙҲУН. 1,1 КИЛОМЕТР РОҲ МУМФАРШ КАРДА ШУД 15:07КӮШОНИЁН: БОЗДИДИ РАИСИ ВИЛОЯТ АЗ САМАРАНОК ИСТИФОДАБАРИИ ЗАМИН, ҶАМЪОВАРИИ ҲОСИЛИ КАРТОШКА ВА НАШЪУНАМОИ ПАХТА ДАР ХОҶАГИИ ДЕҲҚОНИИ «БОРБАД» 15:11КӮШОНИЁН: ДАР ДЕҲАИ ГУЛЗОР БЕШ АЗ 6 КИЛОМЕТР РОҲ МУМФАРШ ГАРДИДААСТ 15:05
Маҷаллаи №6-2019
Серхонандаҳо
МАРҲИЛАИ ДУЮМИ АЗНАВСОЗӢ ВА ТАЪСИСИ МЕДИАТЕКАИ ПРЕЗИДЕНТИ ҶУМҲУРИИ ТОҶИКИСТОН ДАР КИТОБХОНАИ ВИЛОЯТИИ БА НОМИ ШАМСИДДИН ШОҲИН ВА ОҒОЗИ АЗНАВСОЗИИ КИТОБХОНАИ ВИЛОЯТӢ ДАР ШАҲРИ КӮЛОБ
ЁВОН. БОЗДИДИ РАИСИ ВИЛОЯТ АЗ РАФТИ БАРТАРАФСОЗИИ ОҚИБАТҲОИ ОФАТИ ТАБИӢ ВА СУҲБАТ БО СОКИНОНИ ЗАРАРДИДА
ҶАЛАСАИ КОРИИ РАИСИ ВИЛОЯТИ ХАТЛОН ТАРИҚИ МАҶОЗӢ БО РАИСОНИ ШАҲРУ НОҲИЯҲО
ҶАЛАСАИ ФАВРӢ ОИД БА БАРТАРАФСОЗИИ ОҚИБАТҲОИ ОБХЕЗӢ ДАР ШАҲРИ КӮЛОБ БАРГУЗОР ГАРДИД
ҶАЙҲУН. 1,1 КИЛОМЕТР РОҲ МУМФАРШ КАРДА ШУД
РИШТАИ МЕҲР
БОХТАР. БОЗ ЯК КӮДАКИСТОНИ НАВУ ЗАМОНАВӢ БУНЁД МЕШАВАД
РАИСИ ВИЛОЯТИ ХАТЛОН АЗ РАФТИ СОХТМОНИ НЕРУГОҲИ БАРҚИИ ОФТОБӢ ДАР НОҲИЯИ ҶАЙҲУН БОЗДИД НАМУДАНД
ЛЕВАКАНТ. НИЁЗМАНДЕ СОҲИБИ ХОНА МЕШАВАД
К И Т О Б Д О Р
