Маҷаллаи Сафо
Шеъру адаб
Чеҳра
Маслиҳати муфид
Номаҳо
28 авг 11:36АСОСӢ / Ахбор / Саноат ва кишоварзӣ / Рушди деҳот, сайёҳӣ ва ҳунарҳои мардумӣ / Ҷамъият / Иҷтимоъ / Иқтисод
АЗ КИШМИШ ТО “АВАТАР”
Ва ё чӣ хел навъҳои хушсифату бозоргузари ангурро токпарварони вилояти Хатлон вориду дар парвариши он муваффақ гаштанд?
Исломиддин Очилдиеви токпарвар, аслан сокини шаҳри Турсунзода аст, аммо наздик ба 15 сол аст, ки дар хоҷагии деҳқонии “Муслим”-и ноҳияи Кӯшониён ба ҳайси роҳбари хоҷагӣ кору фаъолият менамояд. Ин хоҷагии деҳқонӣ, яке аз хоҷагиҳои пешқадами ангурпарвари минтақаи Бохтари вилояти Хатлон ба шумор меравад.
– Мо мардуми Турсунзода аксаран дар парвариши ангур таҷрибаи хуб дорем, зеро аз хурдӣ ба ин кор шуғл меварзем, – такя ба донишу таҷрибаи токпарварии худ намуда, бо қаноатмандӣ изҳор медорад қаҳрамони матлаб, ки беш аз 12 сол инҷониб ба минтақаи Бохтар омада, тариқи шартнома ба нигоҳубини дарахтони ангури хоҷагии деҳқонии “Муслим” машғул аст.
Ба нақли ин ангурпарвар ӯ аз моҳи феврал то ба ғундоштану фурӯши ҳосили пухта расидаи ангур дар инҷо мемонад. Баъдан, муддати чанд моҳ дубора ба зодгоҳаш бармегардад. Чун токпарварӣ пешаи авлодӣ барои ӯ ба шумор меравад, дар иҷрои кор мушкиле надорад. Баръакс, бо гузашти вақт навъҳои гуногуни ангурро вориду парвариши онро ба роҳ мондааст, ки “Шоҳона” ва “Аватар” аз ҷумлаи он аст.
АНГУРИ ХУШСИФАТ ВА СЕРХАРИДОР
Ба гуфтаи акои Исломиддин навъи “Аватар” серхаридортарин ангури токзори онҳо ба ҳисоб меравад. Ҳарчанд ҳоло шумораи ниҳолони он ангуштшумор аст, аммо онҳо ният доранд дар оянда майдони онро бештар гардонанд. Ин навъи ангур дар баробари талаботи хуб доштан, ҳамчунин, ҳосилнокии он фаровон аст.
– “Аватар” навъи ангурест, ки солҳои охир бинобар намуди ҷолиб ва андозаи калону мазаи хосаш дар бозор шуҳрати зиёд касб кардааст, – мегӯяд ин ангурпарвар. – Аслан “Аватар”-ро аксаран ҳамчун ангури рӯйимизӣ мешиносанд. Як хӯшаи ин ангур аз 800 грамм то ба 2 килограм мерасад, ки албатта агар нигоҳубини хуб дошта бошаду дар замини ҳосилхез парвариш гардад.
Бино ба гуфтаи қаҳрамони матлаби мо хусусияти асосии ин навъи ангур дар шакл ва андозаи он аст. Он донаҳои калон ва дарозрӯя дошта, ранги гулобӣ ва арғувонӣ дорад. Тамъу мазаи он ҳам фарқкунанда буда, ширинӣ бо каме туршии сабук омехта шудааст. Яъне ширадору хушхӯр аст.
– Ин ангур пӯсти нисбатан ғафс дошта, барои содирот нигаронида шудааст, – қайд мекунад Исломиддин Очилдиев. – Метавон гуфт, ки ангури навъи “Аватар” махсусан барои содирот ва бозоргонӣ дурага шудааст. Онро баъзан то як ҳафта метавон хушсифат нигоҳ дошт. Ҳатто дарахти он ба бемориҳо ва ҳашароти зараррасон ва гармӣ тобовар аст.
ДАР БОРАИ ХОҶАГӢ
– Хоҷагии деҳқонии “Муслим” дар майдони 23 гектар беш аз 10 навъи ангурро парвариш менамояд, – мегӯяд Ислом Очилдиев. – Дар ин хоҷагӣ аз навъи ангури “Кишмиш” то ба “Шоҳона”-ю “Ҳусайнӣ” ва “Аватар” парвариш меёбад. Самти асосии хоҷагӣ ангурпарварӣ буда, он дар Ҷамоати шаҳраки Бӯстонқалъаи ноҳияи Кӯшониён ҷойгир аст.
Дар воқеъ, “Муслим” аз хоҷагиҳои деҳқонии пешқадами ноҳияи Кӯшониён маҳсуб ёфта, ҳамасола дар баробари таъмини бозорҳои ҷумҳурӣ, ҳамчунин, ҳосили токзори хоҷагиро хориҷ аз кишвар ҳам содирот менамояд.
Ба иттилои роҳбари хоҷагӣ, ҳамасола баробари фаро расидани мавсими ҷамъоварии ҳосил беш аз 70 сокини маҳаллӣ ба ҷойи кори муваққатӣ таъмин мегардад.
Низоми Исо
Добавить комментарий
Ахбор
БОХТАР. БОЗ ЯК КӮДАКИСТОНИ НАВУ ЗАМОНАВӢ БУНЁД МЕШАВАД 15:00ҶАЙҲУН. 1,1 КИЛОМЕТР РОҲ МУМФАРШ КАРДА ШУД 15:07КӮШОНИЁН: БОЗДИДИ РАИСИ ВИЛОЯТ АЗ САМАРАНОК ИСТИФОДАБАРИИ ЗАМИН, ҶАМЪОВАРИИ ҲОСИЛИ КАРТОШКА ВА НАШЪУНАМОИ ПАХТА ДАР ХОҶАГИИ ДЕҲҚОНИИ «БОРБАД» 15:11КӮШОНИЁН: ДАР ДЕҲАИ ГУЛЗОР БЕШ АЗ 6 КИЛОМЕТР РОҲ МУМФАРШ ГАРДИДААСТ 15:05ОИЛА – ПОЙДЕВОРИ ҶОМЕАИ СОЛИМ 12:19РӮЗИ БАЙНАЛМИЛАЛИИ ОИЛА- ҶАШНИ МЕҲР ВА ҲАМДИГАРФАҲМӢ 12:15ҶАВОНОН ВА МАСЪУЛИЯТИ ОИЛАДОРӢ 11:58БОХТАР: РАИСИ ВИЛОЯТИ ХАТЛОН БО ҶАРАЁНИ СОХТМОНИ БЕМОРХОНАИ БЕМОРИҲОИ ДИЛ ВА МАРКАЗИ ЭНДОКРИНОЛОГӢ ШИНОС ШУДАНД 11:43
Маҷаллаи №6-2019
Серхонандаҳо
МАРҲИЛАИ ДУЮМИ АЗНАВСОЗӢ ВА ТАЪСИСИ МЕДИАТЕКАИ ПРЕЗИДЕНТИ ҶУМҲУРИИ ТОҶИКИСТОН ДАР КИТОБХОНАИ ВИЛОЯТИИ БА НОМИ ШАМСИДДИН ШОҲИН ВА ОҒОЗИ АЗНАВСОЗИИ КИТОБХОНАИ ВИЛОЯТӢ ДАР ШАҲРИ КӮЛОБ
ЁВОН. БОЗДИДИ РАИСИ ВИЛОЯТ АЗ РАФТИ БАРТАРАФСОЗИИ ОҚИБАТҲОИ ОФАТИ ТАБИӢ ВА СУҲБАТ БО СОКИНОНИ ЗАРАРДИДА
ҶАЛАСАИ КОРИИ РАИСИ ВИЛОЯТИ ХАТЛОН ТАРИҚИ МАҶОЗӢ БО РАИСОНИ ШАҲРУ НОҲИЯҲО
ҶАЛАСАИ ФАВРӢ ОИД БА БАРТАРАФСОЗИИ ОҚИБАТҲОИ ОБХЕЗӢ ДАР ШАҲРИ КӮЛОБ БАРГУЗОР ГАРДИД
Нақши воситаҳои ахбори омма дар пешгирии коррупсия
ҶАЙҲУН. 1,1 КИЛОМЕТР РОҲ МУМФАРШ КАРДА ШУД
РАИСИ ВИЛОЯТИ ХАТЛОН АЗ РАФТИ СОХТМОНИ НЕРУГОҲИ БАРҚИИ ОФТОБӢ ДАР НОҲИЯИ ҶАЙҲУН БОЗДИД НАМУДАНД
ЛЕВАКАНТ. НИЁЗМАНДЕ СОҲИБИ ХОНА МЕШАВАД
РИШТАИ МЕҲР
К И Т О Б Д О Р
