Маҷаллаи Сафо
Маслиҳати муфид
Номаҳо
Аз гиряи ғурбат то шукри ваҳдат
Мусоҳиба бо Назрулло Абдуллоев, сокини ноҳияи Ҷайҳун
– НАЗРУЛЛО АБДУЛЛОЕВ, АЗ НАЗАРИ ШУМО ВАҲДАТИ МИЛЛӢ ЧӢ АРЗИШЕ ДОРАД?
– Ба андешаи ман, ваҳдат гаронбаҳотарин неъмат аст. Ваҳдат моро ҳамчун миллат нигоҳ дошт. Маҳз парешонӣ ва набудани ваҳдат буд, ки аввали солҳои 90-ум ҷомеаи мо ба нобасомониҳои сахт рӯ ба рӯ шуд. Вале бо шарофати ҷасорат ва хиради Пешвои миллат муҳтарам Эмомалӣ Раҳмон мо сарҷамъ шудем ва ба сулҳу субот расидем.
– ШУМО ҲАМОН РӮЗҲОИ ПУРШИДДАТРО ЧӢ ГУНА АЗ САР ГУЗАРОНДЕД?
– Ман он рӯзҳоро бо ҷон ҳис кардам. Мушкилӣ, тарс, ноумедӣ ва гурезагӣ буд. Банда ҳам як моҳ дар Афғонистон будам – ба хотири даъвати мардум ба Ватан. Вақте шабонгоҳ аз он тараф ба ҷониби Тоҷикистон менигаристам ва чароғҳоро медидам, ҳар сангу хасу хори кӯчаи зодгоҳам ба ёдам меомад ва гиря мекардам. Он вақт фаҳмидам, ки Ватан чӣ арзише дорад.
– ЧАРО ВАТАНРО МОДАР МЕГӮЯНД?
– Зеро Ватан мисли модар аст: паноҳгоҳ, азиз, нозпарвар ва зиндагибахш. Модарро гум кардан чӣ маънӣ дорад? Ватан ҳам ҳамин тавр аст. Бе он инсон парешону саргардон мемонад.
– ДАР БОРАИ ҒАМХОРИҲОИ РОҲБАРИ ДАВЛАТ ЧӢ ГУФТАН МЕХОҲЕД?
– Пешвои миллат барои рушди иқтисодии мардум заминҳои корам ҷудо карданд: як маротиба 50 ҳазор гектар ва бори дигар 25 ҳазор гектар. Ин аст ғамхории воқеӣ, ин аст раҳбарӣ ба мардум. Чунин хизматҳо хеле зиёданд ва хонандаи азиз ин ҳамаро хуб медонад ва ҳоҷат ба такрор нест.
– БАЪЗЕҲО ТО ҲОЛ ҚАДРИ ВАҲДАТРО НАМЕДОНАНД…
– Мутаассифона, чунин ҳам ҳаст. Шояд аз нофаҳмӣ ё таъсири афкори бегона бошад. Аммо таҷриба нишон дод, ки мардум дигар фирефтаи ҳеҷ ваъдаи пуч намешаванд. Онҳое ки ватан надоранд, ҳар рӯз бо алам ашк мерезанд. Мо, ки ватан дорем, бояд шукр кунем ва онро ҳифз намоем.
– ПАЁМИ ШУМО БА ҶАВОНОН ВА НАСЛИ ИМРӮЗА ЧИСТ?
– Ватанро дӯст доред. Ваҳдатро ҳифз намоед. Тинҷиву оромӣ осон ба даст наомадааст. Бо меҳнат, фидокорӣ ва эҳтиром ба гузашта онро пос дорем, то наслҳои баъдӣ низ ба қадри он расанд.
– ТАШАККУР БАРОИ СУҲБАТИ САМИМӢ.
– Ман ҳам сипосгузорам. Дуо мекунем, ки тинҷиву ваҳдати имрӯз абадан пойдор бимонад.
Суҳбаторо М. Акрамов
Добавить комментарий
Ахбор
БОНУИ МАТИНИРОДА 13:39НАФАҚА – КАФОЛАТИ ИҶТИМОИИ ДАВЛАТ БА ШАҲРВАНДОН 13:32БОХТАР. БОЗСОЗИИ МАҶМААИ “ВАҲДАТ” ОҒОЗ ШУД 14:02АЗ ҚАЪРИ ГИЛИ СИЯҲ ТО АВҶИ ЗУҲАЛ 13:58РАИСИ ВИЛОЯТИ ХАТЛОН БО РАИСИ ШӮРОИ ДИРЕКТОРОНИ ШИРКАТИ SHAANXI APPLE GROUP CO., LTD. МАСЪАЛАҲОИ РУШДИ ҲАМКОРИҲОИ САРМОЯГУЗОРӢ ВА БОҒДОРИРО БАРРАСӢ КАРДАНД 16:52ЭҲЁИ АДОЛАТИ ТАЪРИХӢ 12:56ДАР ВИЛОЯТИ ХАТЛОН НАТИҶАҲОИ РУШДИ ИҶТИМОИЮ ИҚТИСОДИИ НИМСОЛАИ АВВАЛИ СОЛИ 2026 ҶАМЪБАСТ ГАРДИДАНД 15:47Ҳамоиш таҳти унвони "Ин ҷаҳонро нигар бо чашми хирад" 12:36
Маҷаллаи №6-2019
Серхонандаҳо
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати қабули қатъномаи Созмони Милали Муттаҳид таҳти унвони «Даҳсолаи байналмилалӣ оид ба таҳкими сулҳ барои наслҳои оянда, солҳои 2027 – 2036»
ЁВОН. МАРКАЗИ САЛОМАТИИ НАВУ ЗАМОНАВӢ БУНЁД МЕШАВАД
НОРАК. 194 ИНШООТИ ТАЪИНОТИ ГУНОГУН БУНЁД ШУД
БОХТАР. ТАРАБХОНАИ “KFC” БА ФАЪОЛИЯТ ОҒОЗ НАМУД
БОХТАР. БОЗСОЗИИ МАҶМААИ “ВАҲДАТ” ОҒОЗ ШУД
РОҲИ АВТОМОБИЛГАРДИ ЁВОН-ВАҲДАТ-НОРАК БОЗСОЗӢ КАРДА МЕШАВАД
ЯК СИМОЮ ЯК САДО, АММО ДУ САРНАВИШТ
ДАҲСОЛАИ СУЛҲ: ЭЪТИРОФИ ҶАҲОНИИ ТАШАББУСИ ТОҶИКИСТОН
АЗ УМЕД ТО ХАТАР
ШАРАФ БА ПЕШВО
