Мазҳакаи “Зангирӣ ё дамгирӣ”

Дар Театри вилоятии мусиқӣ-мазҳакавии ба номи Ато Муҳаммадҷонови шаҳри Бохтар намоиши нави мазҳакавӣ бо номи “Зангирӣ ё дамгирӣ” ба саҳна гузошта шуд.

Намоиш аз рӯйи асари драматурги маъруфи тоҷик Султон Сафаров таҳия гардида, масъалаҳои муҳими иҷтимоӣ ва зиндагии оилавӣ бо забони шӯху ҳаҷвомез пешкаши тамошобинон гардид.

Қаҳрамонони асосии асар ду дӯст бо номи Махсуми Ҳандалак ва Усто Барот мебошанд, ки бо фиреби мардум ва суиистифода аз эътиқоди динии онон талош мекунанд ба ҳадафҳои шахсии худ бирасанд. Онҳо бо пешниҳоди фатвоҳои сохтаву беасос мардумро гумроҳ карда, маблағи муфт ҷамъ мекунанд.

Дар намоиши мазкур образи зане бо номи Бегим бо сабру таҳаммул ва меҳрубонӣ кӯшиш мекунад оилаи худро аз парокандашавӣ наҷот диҳад. Дар ин роҳ ба ӯ як зани кордон ва фаъол бо номи Шафиқабону ёрӣ мерасонад.

Мавзӯъҳои муҳим ба монанди хурофотпарастӣ, озори занон ва пошхӯрии оила дар заминаи боварҳои кӯр-кӯрона дар намоиш ба таври возеҳ нишон дода шуд. Намоишнома тавассути лаҳзаҳои хандовар ҷомеаро водор мекунад, ки нисбат ба масъалаҳои муҳим ҳушёр бошанд ва қурбонии фиреби шахсони манфиатҷӯ нагарданд.

Гарчанде асар солҳои пеш навишта шуда бошад, таҳиягарон онро бо дарназардошти вазъи имрӯзаи ҷомеа таҳрир намудаанд. Он равандҳои хатарзоеро бозгӯ мекунад, ки баъзан зери ниқоби фатво ва эътиқод, инсонҳоро ба хатогӣ мебаранд ва ҳатто метавонад сабаби шомилшавии баъзеҳо ба гурӯҳҳои ифротӣ гардад.

Маҳмадалӣ Маҳмадализода

Похожие новости:

Добавить комментарий

Ахбор

БАРОИ “БЕҲТАРКУНИИ НИЗОМИ ОБТАЪМИНКУНӢ ДАР НОҲИЯИ ЁВОН” 4,8 МИЛЛИОН ЕВРО ҶУДО МЕШАВАД 13:19 ҶАВОН ВА ВАТАН: МАСЪУЛИЯТ, ДОНИШ ВА САДОҚАТ 15:04 ХАТЛОН: НАЗДИК БА 80% ДУХТАРОНИ СИННИ 10 – 14-СОЛА ИММУНИЗАТСИЯ ШУДАНД 14:48 ҶАЙҲУН. БЕШ АЗ ЯК КИЛОМЕТР РОҲ МУМФАРШ КАРДА ШУД 15:15 ЁВОН. НАҚШАИ ҶАМЪОВАРИИ ҲОСИЛИ ПАХТА ИҶРО ШУД 11:33 ФАРРУХЗОДАҲОИ МИЛЛАТ 11:38 ПАНҶ. ИММУНИЗАТСИЯ БЕШ АЗ 70 ФОИЗ ИҶРО ШУДААСТ 11:25 ЭЪЛОН. "ҚАЛАМИ ДОНИШҶӮ" 10:51

Маҷаллаи №6-2019

Серхонандаҳо

НАМОИШГОҲИ МАҲСУЛОТИ КИШОВАРЗӢ, САНОАТӢ, ҲУНАРҲОИ МАРДУМӢ ВА ТАОМҲОИ МИЛЛИИ ВИЛОЯТИ ХАТЛОН ДАР ҚАЗОҚИСТОН БАРГУЗОР МЕГАРДАД ЯК ВОЯИ GARDASIL САРАТОНИ ГАРДАНАКИ БАЧАДОНРО ПЕШГИРӢ МЕКУНАД СЕМИНАРИ ОМӮЗИШӢ БО ҒОЛИБОНИ ОЗМУН Бохтар. Бозсозии муҷассамаи Абӯабдуллоҳи Рӯдакӣ РӮЗНОМАНИГОРИ БОХИРАДИ САДСОЛА ҶАЙҲУН. БЕШ АЗ ЯК КИЛОМЕТР РОҲ МУМФАРШ КАРДА ШУД ПАНҶ. ИММУНИЗАТСИЯ БЕШ АЗ 70 ФОИЗ ИҶРО ШУДААСТ Иҷрои дурнамои ҷамъоварии пахта дар Леваканту Бохтар КИТОБХОНАИ ОММАВИИ ВИЛОЯТИ ХАТЛОН ПАС АЗ БОЗСОЗӢ БО ИШТИРОКИ РАИСИ ВИЛОЯТ БА ИСТИФОДА ШУД ЁВОН. НАҚШАИ ҶАМЪОВАРИИ ҲОСИЛИ ПАХТА ИҶРО ШУД