04 окт 14:25АСОСӢ / Ахбор / Фарҳанг / Маориф / Иҷтимоъ / Мақомот

Конференсия бахшида ба Рӯзи забони давлатӣ дар Донишгоҳи давлатии Бохтар ба номи Носири Хусрав

Дар Қасри фарҳанги Донишгоҳи давлатии Бохтар ба номи Носири Хусрав бо иштироки муовини раиси вилояти Хатлон Анзурат Абдусаломзода конференсия бахшида ба Рӯзи забони давлатӣ баргузор гардид. Дар ин чорабинӣ раёсат, профессорону омӯзгорон ва донишҷӯёни донишгоҳ ширкат варзиданд.

Дар оғоз муовини раиси вилояти Хатлон Анзурат Абдусаломзода баромад карда, ҳозиринро аз номи раиси вилояти Хатлон Давлаталӣ Саид бо Рӯзи забони давлатӣ табрик намуд. Дар ҷомеаи муосири Ҷумҳурии Тоҷикистон забони давлатӣ тоҷикӣ буда, халқ бо ин забон сухан мегӯяд. Таҳия ва татбиқи чорабиниҳо, мураттабсозии ҳуҷҷатгузорӣ ва фаъолияти одамон дар асоси забони тоҷикӣ амалӣ мегардад.

Дар баромад таъкид шуд, ки манбаи хушҳолист, ки дар даврони истиқлолияти Ватани азиз мо забони миллӣ дорем ва пояи давлатдорӣ ва ифтихори миллии мо бо пуштибонии шахсияти бузурге – Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки садоқаташ ба муқаддасоти миллат, аз ҷумла забони модарӣ, бемисл аст, мустаҳкам шудааст. Ба шарофати Пешвои миллат забони давлатӣ ба даст омадааст.

Дар идомаи конференсия Ҳамдамзода Хурсанд бо маърӯзаи худ баромад намуда, ҳозиринро аз номи роҳбарияти донишгоҳ бо Рӯзи забони давлатӣ табрик гуфт. Ӯ иброз дошт, ки забон кафолати ҳастии давлат, нишонаи миллат ва муҳимтарин воситаи муоширати байни одамон мебошад. Забон дар тамоми давру замонҳо пояи давлатдорӣ буд, ҳаст ва боқӣ мемонад.

Ҳамзамон таъкид гардид, ки набояд фаромӯш кард, ки забони тоҷикӣ ҳамчун забони давлатӣ на танҳо дар корҳои дохилӣ ва муоширати дохилӣ, балки дар муносибатҳои хориҷии мо низ истифода мешавад.

Сипас, як қатор омӯзгорон бо маърӯзаҳо баромад карда, андешаҳои худро дар бораи мақоми забони давлатӣ ва эҳтироми он баён карданд. Дар фарҷоми конференсия донишҷӯён ба муносибати Рӯзи забони давлатӣ шеърҳо қироат намуданд.

Похожие новости:

Добавить комментарий