ҶСК “АЗОТ” НАРХИ КАРБАМИТРО АРЗОН КАРД

Ҷамъияти саҳомии кушодаи “Азот”-и шаҳри Левакант, арзиши як халтаи вазнаш 50 килои карбамитро 180 сомонӣ кардааст. Иқдоми мазкур то 31 май идома хоҳад кард. Ин дар ҳолест, ки соли гузашта як халтаи ин нурии минералӣ 350 сомонӣ арзиш дошт.

Дар ин бора Агентии иттилоотии Азия+ бо такя ба маълумоти Вазорати кишоварзии мамлакат иттилоъ додааст.

Манбаъ зикр кардааст, ки соли гузашта корхонаи “Азот” ба миқдори зиёда аз 36 ҳазор тонна нуриҳои азотӣ истеҳсол кардааст. Дар сурати пурра фаъолият кардани он, корхона имкон дорад ҳамасола 180 ҳазор тонна карбамит ва 123,6 ҳазор тонна аммиак истеҳсол намояд.

Дар ҳамин ҳол сомонаи Вазорати кишоварзии кишвар иттилоъ додааст, ки Ҷамъияти саҳомии кушодаи “Азот” калонтарин корхонаи кимиёвӣ дар мамлакат буда, бо мақсади таъмини талаботи хоҷагидорону кишоварзони мамлакат бо нуриҳои минералӣ ва баланд бардоштани ҳосилнокии зироат саҳми назаррас дорад.

Инчунин саҳифаи фейсбукии ҶСК “Азот” хабар додааст, ки дар корхона ба ғайр аз аммиаку карбамит боз истеҳсоли ду навъи нуриҳои минералии дигар, аз қабили “Гумат калий” ва “Хамираи гумин” ба роҳ монда шудааст.

С. СУЛТОН

(Акс аз саҳифаи фейсбукии ҶСК “Азот”)

Похожие новости:

Добавить комментарий

Ахбор

ХАТЛОН. 271 ИНШООТИ СОҲАИ МАОРИФ СОХТА МЕШАВАД 14:28 Хатлон. Дастоварди варзишгарон шоёни таҳсин аст 13:58 ЭМОМАЛӢ РАҲМОН - ПЕШВОИ ҶОИЗАЗЕБИ ҶАҲОН 13:03 ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ 12:57 Қасри фарҳанги ноҳияи Ҷайҳун пурра таъмиру навсозӣ гардид 15:36 СУРУДИ МИЛЛӢ КАЙ САДО ДОД? 15:52 МАН ОРИЁИЯМ, АЗ НАСЛИ ОФТОБ 15:48 БОХТАР – ШАҲРИ РУШДУ БУНЁДКОРӢ 15:59

Маҷаллаи №6-2019

Серхонандаҳо

ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН Қасри фарҳанги ноҳияи Ҷайҳун пурра таъмиру навсозӣ гардид Хатлон. Дастоварди варзишгарон шоёни таҳсин аст ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ ХАТЛОН. 271 ИНШООТИ СОҲАИ МАОРИФ СОХТА МЕШАВАД БОХТАР – ШАҲРИ РУШДУ БУНЁДКОРӢ СУРУДИ МИЛЛӢ КАЙ САДО ДОД? МАН ОРИЁИЯМ, АЗ НАСЛИ ОФТОБ ТАНТАНАИ ИСТИҚЛОЛ ЭМОМАЛӢ РАҲМОН - ПЕШВОИ ҶОИЗАЗЕБИ ҶАҲОН