08 июн 12:52АСОСӢ / Ахбор / Иҷтимоъ / Маърифат ва тандурустӣ / Маслиҳати муфид

Ниқобҳои хонагӣ

Аксарияти маҳсулотро на танҳо истеъмол кардан мумкин аст, балки онро ҳамчун ғизо барои пӯсти рӯй истифода кардан мумкин аст. Ниқобҳои хонагӣ аз сметана, қаймоқу асал ва тухм ҳамеша дастрасанд. Истифодаи пайвастаи ин маҳсулот пўсти рўйро нам, ботароват ва зебо мегардонад.

Ниқоб аз сметана

Ҳар шаб пеш аз хоб ба рўятон каме сметана молида, баъди 20 дақиқа шуед. Лактобактерияҳои таркиби сметана қабати муҳофизатии пўстро солим мегардонад. Баъди истифодаи сметана пўсти рўятон мулоиму ҳамвор мешавад.

Ниқоб аз асал

Маҳсулоти дигаре, ки пўсти рўйро зебо мегардонад, асал аст. Дар хусуси манфиатбахшии асал ҳама маълумот доранд. Ниқоб аз асал хеле соддаву осон аст, онро ба рўятон мемолед, халос. Пўсти рў баъди чунин ниқоб ботароват, мулоиму ҳамвор ва ожангҳо ҳамвор мегарданд.

Ба асал метавонед чанд қатра шарбати лимӯ, ҷурғот, тухм илова кунед.

Ниқоб аз тухм

Тухмро метавонед, ба сифати маводи ғизодиҳнда истифода кунед. Сметана, творог ва зардии тухмро омехта карда, ба рўй молед. Баъди 20 дакиқа бо оби ширгарм шуед. Ин никоб барои пўсти рўи хушк тавсия дода мешавад. Чунин ниқоб пўсти рўйро ғизо дода, нам мекунад, шахшулии пўстро гирифта, мулоиму ҳамвор мекунад.

Сафедии тухм барои пўсти рўйи равғанин мусоид буда, онро чандир мекунад. Агар ба сафедии тухм чанд қатра шарбати лимў илова кунед, манфиати он бештар хоҳад шуд, ранги рўй равшантар ва ботароват мегардад.

Ҳамчунин метавонед ба ниқобҳо мева илова намоед (агар ҳассосият надошта бошед). Меваҳо манбаи моддаҳои фоидабахш буда, пўстро ба витаминҳо таъмин менамоянд.

Похожие новости:

Добавить комментарий