Тарзи дурусти консервакунӣ

Ҳангоми консерва кардан дар шароити хона ҳатман ба коркарду омода кардани маҳсулоти он ба қоидаҳои беҳдоштӣ риоя бояд кард. Чӣ бояд кард, ки микроорганизмҳо, яъне микробҳои зарарнок «меҳмон» нагарданду маҳсулоти дар банкаҳо консервакардаамон вайрон нашаванд?

Барои ин банкаҳои ягон ҷояш ношикастаю беҷағро пешакӣ санҷида гирифтанатон хеле муҳим аст. Хусусан, бояд дохили банкаҳо ва гарданаки онҳоро хеле бодиққат аз назар гузаронед, ки ҷойи кафидагӣ ё ҷағидагӣ надошта бошанд. Сарпӯшакҳо ҳамагӣ бояд наву босифат ва ягон маротиба истифоданашуда бошанд. Асбоби банкамаҳкамкунӣ низ бояд босифат бошад. Банкаҳоро пешакӣ бо оби ҷӯш шуста, ҳатман стерилизатсия намоед. Сарпӯшакҳоро низ пешакӣ ба зарф андохта, сипас аз болояш оби ҷӯшомадаро резед.

Банкаҳои маҳкамшударо сарозер, яъне чаппа карда монед. Болои банкаҳоро бо рӯйпӯши пашмӣ ё пахтагӣ пӯшонед. Ин барои он аст, ки банкаҳо оҳиста-оҳиста хунук шаванд ва аз ҳисоби гармӣ бештар будан хуб стерилизатсия шаванд. Баъди 12-16 соат рӯпӯшҳоро метавонед аз болои банкаҳо гиред ва муддати дигаре гузоред, ки ҳарораташон баробари ба гармии хона, яъне 18-20 градус шавад, сипас онҳоро ба ҷойи салқин монед.

Агар шумо дар шароити хона ин қоидаҳоро дуруст риоя намоед, сарпӯши банкаҳои консерва кардаатон «дам намекунанд», «намепаранд» ва маҳсулот то зимистон хушсифат боқӣ мемонад. Маҳсулоти банкаҳое, ки обашон хира гаштаанд ва ё сарпўшашон дам кардаанд, истеъмол накунед. Барои пешгирӣ аз ботулизм (заҳролудшавӣ) ба қоидаҳои беҳдоштӣ риоя намоед, то сиҳату саломат бошед.

Таҳияи Зарнигор С.

Похожие новости:

Добавить комментарий

Ахбор

ҶАЛАСАИ КОРИИ РАИСИ ВИЛОЯТИ ХАТЛОН ТАРИҚИ МАҶОЗӢ БО РАИСОНИ ШАҲРУ НОҲИЯҲО 12:43 ДӮСТӢ. ОБОДОНӢ БА МУСОБИҚАИ ҲАМАГОНӢ ТАБДИЛ ЁФТААСТ 12:37 СОХТМОН, САХОВАТ ВА СОЗАНДАГӢ 12:34 Нақши воситаҳои ахбори омма дар пешгирии коррупсия 16:30 ҶАЙҲУН. ҶАМЪОВАРИИ ПИЁЗИ БАРВАҚТӢ ОҒОЗ ШУД 15:02 АЗ ХУТАН ТО КУВАЙТ 15:14 Дастони пурэъҷоз 15:27 Ҷавонтарин вакил 15:22

Маҷаллаи №6-2019

Серхонандаҳо

ХАТЛОН: НАҚШАИ ДАЪВАТИ БАҲОРӢ ДАР РӮЗИ АВВАЛ 100% ИҶРО ГАРДИД ҶАЛАСАИ КОРИИ РАИСИ ВИЛОЯТИ ХАТЛОН ТАРИҚИ МАҶОЗӢ БО РАИСОНИ ШАҲРУ НОҲИЯҲО БЕМОРИҲОИ СИРОЯТӢ. АЗ ЧӢ БОЯД ЭҲТИЁТ КАРД? ҶАЙҲУН. ОЗМУНИ “КИТОБХОНИ БЕҲТАРИН” БАРГУЗОР ГАРДИД КӮШОНИЁН. 369 НАФАР БО ҶОЙИ КОР ТАЪМИН ГАШТАНД ЁВОН. ЯК КИЛОМЕТР РОҲИ МАҲАЛЛӢ МУМФАРШ ГАРДИД ЁВОН. МАЪРАКАИ КИШТИ ПУНБАДОНА ОҒОЗ ГАРДИД ҶАЙҲУН. ҶАМЪОВАРИИ ПИЁЗИ БАРВАҚТӢ ОҒОЗ ШУД МОДАР ХАТЛОН. ИСТИҚБОЛИ САРБОЗИ ШУҶОИ ВАТАН