Маҷаллаи Сафо
Маслиҳати муфид
Номаҳо
Дар Бохтар аз Аловуддин Абдуллоев ёд карданд
Ба хотири гиромидошти ҳунармандони нотакрор, устоди саҳнаи театр ва кинои тоҷик Аловуддин Абдуллоев 13-уми майи соли равон дар шаҳри Бохтар маҳфили адабӣ – фарҳангии “Поси хотир” баргузор гардид.
Иқдоми мазкур бо ибтикори яке аз шогирдони ин ҳунарманди маҳбуб, роҳбари Театри вилоятии мусиқӣ – мазҳакавии ба номи Ато Муҳаммадҷонови шаҳри Бохтар Отахон Саидзода баргузор шуда, дар он пайвандону наздикон, дӯстон, шогирдону ҳамсабақон, аҳли театру кинои тоҷик ва ҳаводорони ин ҳаҷвнигори шинохта ширкат варзиданд.
Қабл аз оғози чорабинӣ меҳмонон аз намоишгоҳи омоданамудаи аҳли кормандони театр, ки иборат аз сарулибосҳое, ки Аловуддин Абдуллоев дар саҳнаҳои бозидааш истифода кардааст ва аксҳо аз лаҳзаҳои намоишномаҳои марҳум дидан карданд.
Муовини раиси вилояти Хатлон Фирӯза Шарифӣ зимни баромади хеш қайд кард, ки ин чеҳраи саршинос тавонист бо меҳнати ҳалол ва саҳнаҳои бозидааш дар умри кутоҳи хеш дар диду дидаи мардуми тоҷик абадан ҷойи бигирад.
Инчунин дар ин маҳфил устодони марҳум Соро Музофиршоева, Сафар Ҳақдодов, Валихон Абдуллоев ва Нигина Раҷабова иштирок карда, аз шодравон ба некӣ ёд карданд.
Ёдовар мешавем, ки Аловуддин Абдуллоев 17 феврали соли ҷорӣ дар синни 56-солагӣ бар асари бемории қалб ин аз дунё даргузашт.
Барномаҳои телевизионии “Шӯхиҳои Аловуддин” ва “Лазиз”-и Аловуддин Абдуллоев яке аз лоиҳаҳои муваффақи ӯ ба шумор мерафтанд, ки дар байни мардум ӯро машҳур карда буданд.
Сулаймони Давлат
Добавить комментарий
Ахбор
БЕШ АЗ 432 МИЛЛИОН СОМОНӢ РУХСАТПУЛИИ ОМӮЗГОРОН ПАРДОХТ ШУДААСТ 17:40ПЕШРАФТ ДАР СОҲАИ МАОРИФИ ХАТЛОН: АЗ СОХТМОН ТО ДАСТОВАРДҲОИ ОЛИМПИАДАВӢ 12:36ЗИЁДА АЗ 27 ҲАЗОР ҚОНУНВАЙРОНКУНИҲО ОШКОР КАРДА ШУД 12:30ТАТБИҚИ ЛОИҲАИ “ШАҲРИ БЕХАТАР” ДАР БОХТАР 16:57Дар ноҳияи Абдураҳмони Ҷомӣ 226 иншооти ҷашнӣ мавриди истифода қарор гирифт 13:45ҶАЙҲУН ДАР МАСИРИ РУШДИ УСТУВОР ВА СОЗАНДАГӢ 14:33ТАРБИЯРО АЗ КАДОМ СИННУ СОЛ БОЯД ОҒОЗ КАРД? 14:30БОНУИ МАТИНИРОДА 13:39
Маҷаллаи №6-2019
Серхонандаҳо
