Қодирзода Озодамо ғолиби озмун шуд

Қодирзода Озодамо, мураббияи муассисаи таҳсилоти томактабии хусусии “Оиша”-и ноҳияи Восеъ дар даври ҷумҳуриявии озмуни “Мураббии соли Тоҷикистон – 2022” сазовори ҷойи аввал гардид. 
Тавре аз Раёсати маорифи вилояти Хатлон ба “Сафо” иттилоъ доданд, озмун 23 январи соли ҷорӣ оғоз гардида, давоми се рӯз иштирокчиён аз рӯи шаш шарт маҳорати худро санҷиданд. 
Қодирзода Озодамо дар ин озмун фаъолона иштирок намуда, бо нишон додани маҳорату малакаи касбии хеш ғолиби ин озмун гашт.
Ба ғолиби озмун Ифтихорнома ва мукофоти пулӣ дар ҳаҷми 5 ҳазор сомонӣ дар вазъияти тантанавӣ тақдим карда шуд. 
Ғолиби озмуни “Мураббияи соли Тоҷикистон – 2022”-ро дар даромадгоҳи ноҳияи Восеъ раиси ноҳияи Восеъ, сардори Раёсати маорифи вилоят, омӯзгорону хонандагон ва пайвандон бо тантана истиқбол намуда, ба ӯ аз номи раиси вилояти Хатлон Сипоснома тақдим намуданд. 
Сулаймони СУЛТОН