ТАНДЕСИ БАХТИ ТОҶИКОН

             Роғун, туро мо сохтем!!!

             Роғун, ту моро сохтӣ!!!

Бо худ чароғи бахтро афрӯхтӣ, афрохтӣ!

Дасти муҳаббат гар набуд дар пайкари сангини кӯҳ,

Тандеси Меҳан ҷилвагар чун гашт ин сон бо шукӯҳ!?

Дасти садоқат гар набуд, дар қаъри сангини замин,

Оё тавон бунёд кард ин нақбҳои озарин!?

Бунёди ту афсона шуд дар пайкари сарди Замин,

Бар халқи некоини мо таърих хонад офарин.

Бингар, ҳақиқатро чи сон з-афсонаҳо бунёд кард,

Банди ҳазоронсоларо бигсаст, то озод кард.