201 НАФАР ДОНИШҶӮИ ХОРИҶӢ ДАР ДДБ БА НОМИ НОСИРИ ХУСРАВ

Дар Донишгоҳи давлатии Бохтар ба номи Носири Хусрав донишҷӯён аз хориҷи кишвар низ таҳсил мекунанд, ки теъдоди онҳо ба 201 нафар мерасад, - гуфт зимни нишасти матбуотӣ ректори донишгоҳ Сайфиддин Давлатзода.
Иттилоъ дода шуд, ки донишҷӯёни мазкур дар доираи робитаҳои байналмилалии  донишгоҳ бо хориҷи мамлакат ба таҳсил фаро гирифта шуда, асосан аз ҷумҳуриҳои Ӯзбекистон, Туркманистон, Афғонистон ва Федератсияи Россия мебошанд. 
Дар идома гуфта шуд, ки Донишгоҳи давлатии Бохтар ба номи Носири Хусрав ҳамчунин бо 18 муассисаи таҳсилоти олии касбӣ, илмӣ-таҳқиқотӣ ва созмонҳои байналмилалӣ ҳамкории мутақобилан судманд дошта, дар якҷоягӣ бо онҳо лоиҳаҳои таълимию инноватсиониро амалӣ менамояд. 
М. Амонҷон