200 НАФАР АЪЛОЧИИ МАОРИФ ШУД

Соли гузашта беш аз 200 нафар омӯзгорони муассисаҳои таълимии вилояти Хатлон бо нишони “Аълочии маориф ва илми Ҷумҳурии Тоҷикистон” мушарраф гардидаанд. 
Дар ин бора дар нишасти матбуотии Раёсати маорифи вилоят иттилоъ дода шуд. 
Ҳамчунин зикр гардид, ки бо ибтикори Мақомоти иҷроияи ҳокимияти давлатии вилоят баҳри баланд бардоштани мақому манзалати омӯзгор дар ҷомеа, қадршиносии хонандагони лаёқатманду аълохон, ҳавасмандгардонии омӯзгорони ҷавон ва дастгирии онҳо озмунҳои гуногун ташкил карда шуда, 10 нафар кормандони соҳа бо мукофоти “Омӯзгори ифтихории Хатлон”, 11 нафар кӯдакону наврасони эҷодкору навовар ва иштирокчиёни озмуну олимпиадаҳои ҷумҳуриявию байналмилалӣ бо нишони сарисинагӣ ва ҷоизаи “Соҳибватан”  қадршиносӣ гардиданд. 
Хонандагоне, ки мактабро ба медали тилло ва нуқра хатм намудаанду директорони муассисаҳои таълимие, ки ки таълимгирандагонашон соҳиби аттестати аъло гардидаанд бо “Ҷоизаи раиси вилояти Хатлон дар соҳаи маориф” мукофотонида шуданд. 
А. Маҳкамов