ИВАЗИ НОМУ НАСАБ КАМ ШУДААСТ

Соли гузашта  7 ҳазору 141 нафар сокинони вилоят ному насаби худро иваз намудаанд.
 Ба гуфтаи Бунафша Раҳимзода, сардори шуъбаи асноди ҳолати шаҳрвандии Раёсати адлияи вилоят дар давраи сипаригашта  5 ҳазору 161 нафар шаҳрвандон ному насаби худро ба анъанаҳои миллӣ мувофиқ намуда, аксаран ба насабашон пасванди “зода”-ро илова кардаанд. 
Ҳамчунин 1 ҳазору 980 нафар намояндагони ақалиятҳои миллӣ ному насабашонро тибқи анъанаҳои худ тағйир додаанд.  
Агар соли 2021 аз ҳамаи шаҳру ноҳияҳои вилоят 8 ҳазору 654 нафар ному насабашонро иваз намуда бошанд, ин рақам дар соли гузашта 1 ҳазору 513 ҳолат кам сабт карда шудааст.  
Таъкид гардид, ки дар феҳристи номҳои миллӣ, ки дар идораҳои сабти асноди ҳолати шаҳрвандии ҳамаи шаҳру ноҳияҳо мавҷуд аст беш 3 ҳазор ном ворид гардидааст, ки хоҳишмандон номҳои худро тибқи он тағйир медиҳанд. 
Амонулло Бахтиёрзода