Таваллуд зиёду никоҳ кам шудааст

  
Дар вилояти Хатлон соли сипаригардида, 187 ҳазору 721 сабти ҳолати шаҳрвандӣ ба қайди давлатӣ гирифта шудааст,- гуфт сардори Шуъбаи асноди ҳолати шаҳрвандии Раёсати адлияи вилояти Хатлон Бунафша Раҳимзода зимни нишасти матбуотӣ бо рӯзноманигорон. Ба иттилои ӯ аз теъдоди дар боло зикршуда, 96 ҳазору 140 сабти таваллуд, 25 ҳазору 396 сабти никоҳ, 10 ҳазору 382 сабти вафот, 3607 сабти бекор намудани ақди никоҳ,579 сабти фарзандхонӣ ва 20 ҳазору 489 сабти муқаррар намудани падарӣ ба қайди давлатӣ гирифта шудааст. Инчунин дар соли гузашта 7141 сабти иваз намудани насаб, ном ва номи падар ба қайд гирифта шудааст.
Ба гуфти Бунафша Раҳимзода таваллуд дар қиёс ба соли 2021-ум 8001 ҳолат зиёд буда, бастани ақди никоҳ 698 ҳолат кам шудааст.
Мутаассифона ҷудошавии оилаҳо дар сатҳи вилоят яке аз мушкилоти асосӣ боқӣ монда, соли 2022 дар қиёс ба соли 2021-ум 280 ҳолат зиёд ба қайд гирифта шудааст. 
Сулаймон СУЛТОНОВ