Хатлон: Ҳамоиш ва роҳпаймоии осоишта ба ифтихори пазируфта шудани пешниҳоди панҷуми Пешвои миллат эълон гардидани «соли 2025 - соли байналмилалии ҳифзи пиряхҳо»

  Имрӯз 21- уми декабри соли 2022 дар шаҳри Бохтар ба муносибати қабул шудани пешниҳоди панҷуми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба эълон гардидани «Соли 2025 - Соли байналмилалии ҳифзи пиряхҳо» ҳамоиш ва роҳпаймоии осоишта баргузор гардид.
Дар ин чорабинии бошукӯҳ намояндагони мақомоти иҷроияи ҳокимияти давлатии вилоят, роҳбарону кормандони ташкилотҳои шаҳрию вилоятӣ, аъзои ҲХДТ дар вилояти Хатлон ва шаҳри Бохтар иштирок доштанд. 
Пас аз роҳпаймоӣ иштирокчиён дар Майдони Парчами Ҷумҳурии Тоҷикистон ҷамъ омаданд.
Дар ҳамоиш муовини раиси вилояти Хатлон Фирӯза Шарифӣ, раиси Кумитаи иҷроияи Ҳизби Халқии Демократии Тоҷикистон дар вилояти Хатлон Миралиён Қиёмиддин Абдусалимзода ва раиси Ташкилоти ибтидоии ҳизбии “Нурафшон” Билоли Ҳикматулло суханронӣ намуда оид ба ташаббусҳои ояндасози Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  бобати эълон гардидани соли 2025-ум Соли байналмилалии ҳифзи пиряхҳо, муайян гардидани  Рӯзи байналмилалии ҳифзи пиряхҳо, таъсис додани Бунёди махсуси байналмилалии ҳифзи пиряхҳо ва ғайраҳо ибрози андеша намуданд.
  Далер Шарифов.