Арчаи солинавӣ қомат афрохт

Дар назди Театри вилоятии мусиқӣ – мазҳакавии ба номи Ато Муҳаммадҷонови шаҳри Бохтар арчаи солинавӣ бо баландии 18 метр ва паҳноияш беш аз 7 метр қомат афрохтааст. 
Ба иттилои директори Муассисаи давлатии коммуналӣ ва чароғонкунию ороишии шаҳри Бохтар Миралишоҳи Сайфиддин арчаи солинавӣ бо харҷи беш аз 40 ҳазор сомонӣ омода шуда, бо тамоми ҷиҳози зарурӣ оро дода шудааст.
Ҳамчунин барои фароғату бозии кӯдакон дар гирду атрофи арча хоначаҳои афсонавӣ бунёд шудаанд, ки бисёр зебо ва бо тарҳи афсонавӣ омода шудаанд.
Арчаи солинавӣ бо тамоми чароғакҳои равшанидиҳанда муҷаҳҳаз карда шудааст, ки шабонгаҳ низ хеле зебо ба назар мерасад. 
-Ҳамаи хароҷоти арчаи солинавӣ аз ҳисоби буҷети Мақомоти иҷроияи ҳокимияти давлатии шаҳри Бохтар амалӣ шуда, баҳри истироҳату фароғати сокинони шаҳри Бохтар омода шудааст.
Сулаймон СУЛТОНОВ