Шаҳло соҳиби «Шоҳҷоиза» шуд

Шаҳло Сайдалиева, хонандаи синфи 9-и муассисаи таҳсилоти миёнаи умумии №8-и ноҳияи Данғара дар маросими тантанавии ҷамъбасти Озмуни ҷумҳуриявии «Фурӯғи субҳи доноӣ китоб аст» бо «Шоҳҷоиза» ва 70 ҳазор сомонӣ қадрдонӣ гардид.
Бояд зикр намуд, ки озмуни ҷумҳуриявии «Фурӯғи субҳи доноӣ китоб аст» бо ибтикори бе воситаи Асосгузори сулҳу ваҳдати миллӣ- Пешвои миллат муҳтарам Эмомалӣ Раҳмон эълон гардид, ки соли  чорум аст ҷараён дорад. Ҳадаф аз баргузории озмуни мазкур ин пеш аз ҳама  баланд бардоштани завқи китобхонӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ мебошад .
Дар ҷамъбасти ниҳоӣ иштирокчиёни озмун аз  вилояти Хатлон соҳиби 17 ҷойҳои ифтихорӣ гаштанд. Ғолибони ҷойи аввал маблағи 35000 сомонӣ, ҷойи дуюм 25000 ва ҷойи сеюм 20000 сомонӣ, диплом ва дигар туҳфаҳои хотиравӣ сарфароз гардиданд.
«Сафо»