ДАР ВИЛОЯТИ ХАТЛОН МАВСИМИ НАВИ ТЕАТРҲО ОҒОЗ ЁФТ

Бояд гуфт, ки ба тамошои ин намоишнома муовини  раиси вилояти Хатлон Фирӯза Шарифӣ, сардори Раёсати фарҳанги вилояти Хатлон Рамазон Насриддинзода  ва дигар сокинони касбу кори гуногун ташриф оварда, аз тамошои ин саҳнаи театри лаззат бурданд.
Чун мавзуи асосии он пурра аз як қисмати зиндагии ҳаррӯзаи мардум гирифта шуда, дар бораи зиндагии зану шавҳаре, ки дар тӯли зиндагии якҷоя чӣ будани муҳаббати оиладориро намедонанд то ба лаҳзаҳои романтикии писару келинаш нақл менамуд.
Дар интиҳои намоишнома муовини раиси вилоят  Фирӯза Шарифӣ сухан карда, ҳунармандонро барои таҳияи як саҳнаи зебои театри ва таъмини фароғатӣ сокинону ҷавонони бохтарӣ изҳори сипосу миннадори баён кард.
Сол ба сол фаъолияти театри вилоятии мусиқӣ мазҳакавии ба номи Ато Муҳаммадҷонов-и шаҳри Бохтар-беҳтару хубтар гардида, ҳунармандонаш бо офаридани намоишномаҳои ҷолибу тамошобобу хусусияти тарбиявӣ дошта мавқеи меҳвариашон-ро кайҳо миёни театрҳои ҷумҳурӣ ва хориҷ пайдо кардаанд.
Масъулони театри мазкур гуфтан онҳо метавонанд бо дархости дӯстдорони саҳнаҳои театри дар шаҳру ноҳияҳои вилоят ин гуна намоишномаҳои пурмазмунро пешкаши бинанда гардонанд.
 Далер Шарифов.