Ташкили Олимпиадаи нав дар Хатлон

Тавре аз Раёсати маорифи вилояти Хатлон ба “Сафо” иттилоъ доданд, аллакай Низомномаи ин озмун аз 13 сентябри соли ҷорӣ таҳти №185 тасдиқ шуда, он дар тамоми шаҳру ноҳияҳои ҳудуди вилоят гузаронида мешавад.
Тамоми хонандагони синфҳои 3 ва 4 метавонанд дар ин Олимпиада иштирок кунанд ва дониши хешро бисанҷанд.
Мақсади роҳандозӣ кардани Олимпиадаи “Ворисони Пешво” васеъ намудани ҷаҳонбинии хонандагон, дарёфти истеъдодҳои болаёқати хонандагони синфҳои ибтидоӣ, тарбияи насли наврас дар рўҳияи китобдӯстӣ, муҳаббат ба муаллиму мактаб, меҳанпарастӣ, омода намудани кӯдакон ба ҳаракати олимпӣ, ташаккули зеҳнии кӯдакон, васеъ ба роҳ мондани таваҷҷуҳ ба фанҳои табиатшиносӣ равона шуда, баҳри баланд бардоштани сатҳи дониши хонандагон мусоидат хоҳад кард.  
Хонандагоне, ки дар ин Олимпиада ғолиб мешаванд, бо Ифтихорнома ва туҳфаҳои хотиравии Раёсати маорифи вилояти Хатлон қадрдонӣ хоҳанд шуд. 
Сулаймон СУЛТОН