ҶАЙҲУН. БУНЁДКОРӢ МАРОМИ СОКИНОН ГАШТААСТ

Чун дигар шаҳру ноҳияҳои мамлакат имрӯзҳо дар тамоми гӯшаву канори Хатлонзамин ба хотири шоиста истиқбол гирифтани ҷашни пурифтихори миллат, 30-солагии Истиқлоли давлатии Ҷумҳурии Тоҷикистон корҳои созандагию бунёдкорӣ бомаром идома доранд.

Дар ноҳияи Ҷайҳун низ ба ифтихори ин санаи муборак дар баробари истеҳсоли фаровони маҳсулоти кишоварзӣ, бунёди иншооти таъиноти гуногун вусъати тоза касб кардааст. Мардуми шарафманду меҳнатқарини ин ноҳия азму талош доранд, ки дар пайравӣ аз иқдомҳои созандаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ин гӯшаи диёрро боз ҳам ободу зебо намуда, ин санаи таърихиро бо дастовардҳои назаррас истиқбол намоянд.

Тавре зимни суҳбат раиси ноҳияи Ҷайҳун Одиназода Абдулҳафиз иброз намуд, барои дар сатҳи баланд пешвоз гирифтани ҷашни 30-солагии Истиқлоли давлатӣ дар ноҳия бунёди 294 иншооти таъиноташ гуногун ба нақша гирифта шуда буд. Чун саҳми соҳибкорону шахсони саховатпеша зиёд мушоҳида гардид, нақшаи иловагӣ тартиб дода шуда, боз бунёди чанд иншооти дигар ба нақша гирифта шуд. Дар маҷмӯъ то инҷониб 299 иншоот ба истифода дода шуд, ки дар онҳо зиёда аз 400 нафар сокинони маҳаллӣ бо ҷойи кори доимӣ ва муваққатӣ таъмин шуданд.

Иншооти бунёдшуда, ба монанди таваллудхона, боғи фарҳангию фароғатӣ, 13 адад майдончаҳои варзишӣ, 12 бунгоҳи тиббӣ, 8 нуқтаи хатна, 75 синфхонаи иловагӣ, корхонаи коркарди маҳсулоти кишоварзӣ, марказҳои савдою хизматрасонӣ буда, барои таъмини зиндагии шоистаи мардум ҳиссаи арзанда мегузоранд. Илова бар ин дар ноҳия корхонаи банду басти маҳсулоти кишоварзӣ, бунёд гардид, ки маҳсулотро банду басти зебо карда, ба хориҷи кишвар содирот менамояд.

Инчунин 65 километр роҳҳои маҳаллии ҳудуди ноҳия мумфаршу сангфарш гардида, 104 кӯчаҳои шаҳраку деҳот чароғон карда шуданд. Ҳамзамон дар 14 иншооти дигар корҳои сохтмонӣ бомаром идома доранд, ки умедворем то ин ҷашни фархунда мавриди баҳрабардорӣ қарор хоҳанд гирифт.

-Итминони комил дорам, ки мардуми ба нангу ори ноҳияи Ҷайҳун зери сиёсати дурбинонаю хирадмандонаи Пешвои муаззами миллат муҳтарам Эмомалӣ Раҳмон ҳама аз як гиребон сар бароварда, ин гӯшаи зархези диёрро боз ҳам ободтару зеботар менамоянд. Илоҳо ваҳдати миллӣ, сулҳу субот ва Истиқлолияти комил дар Тоҷикистони азизи мо то абад устувору поянда бошад,- гуфт дар фарҷоми суҳбат раиси ноҳияи Ҷайҳун Одиназода Абдулҳафиз.

Сулаймон СУЛТОНОВ, ноҳияи Ҷайҳун

Похожие новости:

Добавить комментарий

Ахбор

БАРОИ “БЕҲТАРКУНИИ НИЗОМИ ОБТАЪМИНКУНӢ ДАР НОҲИЯИ ЁВОН” 4,8 МИЛЛИОН ЕВРО ҶУДО МЕШАВАД 13:19 ҶАВОН ВА ВАТАН: МАСЪУЛИЯТ, ДОНИШ ВА САДОҚАТ 15:04 ХАТЛОН: НАЗДИК БА 80% ДУХТАРОНИ СИННИ 10 – 14-СОЛА ИММУНИЗАТСИЯ ШУДАНД 14:48 ҶАЙҲУН. БЕШ АЗ ЯК КИЛОМЕТР РОҲ МУМФАРШ КАРДА ШУД 15:15 ЁВОН. НАҚШАИ ҶАМЪОВАРИИ ҲОСИЛИ ПАХТА ИҶРО ШУД 11:33 ФАРРУХЗОДАҲОИ МИЛЛАТ 11:38 ПАНҶ. ИММУНИЗАТСИЯ БЕШ АЗ 70 ФОИЗ ИҶРО ШУДААСТ 11:25 ЭЪЛОН. "ҚАЛАМИ ДОНИШҶӮ" 10:51

Маҷаллаи №6-2019

Серхонандаҳо

НАМОИШГОҲИ МАҲСУЛОТИ КИШОВАРЗӢ, САНОАТӢ, ҲУНАРҲОИ МАРДУМӢ ВА ТАОМҲОИ МИЛЛИИ ВИЛОЯТИ ХАТЛОН ДАР ҚАЗОҚИСТОН БАРГУЗОР МЕГАРДАД ЯК ВОЯИ GARDASIL САРАТОНИ ГАРДАНАКИ БАЧАДОНРО ПЕШГИРӢ МЕКУНАД СЕМИНАРИ ОМӮЗИШӢ БО ҒОЛИБОНИ ОЗМУН Бохтар. Бозсозии муҷассамаи Абӯабдуллоҳи Рӯдакӣ РӮЗНОМАНИГОРИ БОХИРАДИ САДСОЛА ҶАЙҲУН. БЕШ АЗ ЯК КИЛОМЕТР РОҲ МУМФАРШ КАРДА ШУД ПАНҶ. ИММУНИЗАТСИЯ БЕШ АЗ 70 ФОИЗ ИҶРО ШУДААСТ Иҷрои дурнамои ҷамъоварии пахта дар Леваканту Бохтар КИТОБХОНАИ ОММАВИИ ВИЛОЯТИ ХАТЛОН ПАС АЗ БОЗСОЗӢ БО ИШТИРОКИ РАИСИ ВИЛОЯТ БА ИСТИФОДА ШУД ЁВОН. НАҚШАИ ҶАМЪОВАРИИ ҲОСИЛИ ПАХТА ИҶРО ШУД