АЁДАТИ РӮЗНОМАНИГОРОНИ СОБИҚАДОР ДАР АРАФАИ ИДИ САИДИ ФИТР


Дар арафаи иди саиди Рамазон намояндагони Иттифоқи журналистони Тоҷикистон ва мақомоти иҷроияи ҳокимияти давлатии вилояти Хатлон ба аёдати чанде аз собиқадорони матбуоти тоҷик дар шаҳрҳои Бохтар ва Кӯлоб рафтанд.

Бо ташаббуси роҳбарияти ИЖТ ба 10 нафар рӯзноманигорони хушному пуртаҷрибаи Хатлон, ки тӯли солиёни мадид қаламкашию нигорандагӣ кардаанд, кумакҳои якдафъаинаи пулӣ расонида шуд. Ҳаҷми умумии кумакҳои ихтисододаи ИЖТ ба собиқадорон беш аз 10 ҳазор сомониро ташкил медиҳад.


Ин кумак барои устодони журналистикаи тоҷик Сайидалӣ Бобохонов, Ҳақназар Ғоиб, Ғайбулло Ҳалимов, Шамсиддин Муҳаммадиев, Рустам Одинаев, Боймурод Сайидалиев, Саидҷаъфар Баёзӣ, Давлат Султонов, хонаводаи марҳум Рӯзимади Тоҳир пешбинӣ гардидааст.


Ҳамчунин, идораи нашрияҳои вилоятии "Хатлон", "Новий Хатлон", "Дӯстлик", маҷаллаҳои "Сафо" ва "Меҳровар" низ ба собиқадорони матбуот, кормандони эҳтиёҷманду бемор, инчунин ятимону маъюбон кумакҳои пулӣ, ғизоӣ ва маводи доруворию антисептикӣ расониданд.
Добавить комментарий
Маҷалаи №6-2019