Маҷаллаи Сафо
Шеъру адаб
Маслиҳати муфид
Номаҳо
СЕМИНАРИ ОМӮЗИШӢ БО ҒОЛИБОНИ ОЗМУН
Бо ташаббуси Раёсати маорифи вилояти Хатлон барои ғолибони даври вилоятии озмуни ҷумҳуриявии “Фурӯғи субҳи доноӣ китоб аст” семинари омӯзишӣ баргузор карда шуд.
Тавре аз Раёсати маорифи вилояти Хатлон ба “Сафо” иттилоъ доданд, ин семинари омӯзишӣ бо иштироки 54 нафар ғолибони даври вилоятӣ сурат гирифта, мақсади он мусоидат ба омодагии довталабон барои иштироки шоиста дар даври ҷумҳуриявӣ ба ҳисоб меравад.
Иттилоъ дода шуд, ки дар даври вилоятии озмуни болозикр 90 нафар довталабон ба даври ҷумҳуриявӣ роҳхат гирифта, аз ин шумора 54 нафарашон хонандагони муассисаҳои таълимӣ мебошанд.
Дар ин семинари омӯзишӣ бо ҳар як ғолиби даври вилоятӣ суҳбати инфиродӣ гузаронида шуда, аз сатҳи омодагӣ ва шароити омӯзиши ӯ дар хона пурсида шуд.
Ҳамзамон ба мудирони бахшу шуъбаҳои маориф, директорони мактабҳо, китобдорон ва падару модарон дастур дода шуд, ки бо истифода аз тамоми имкониятҳо ба довталабон кӯмак расонанд.
Маврид ба зикр аст, ки ҳамасола шумораи ғолибони даври ҷумҳуриявӣ аз ҳисоби хонандагон ва омӯзгорони вилояти Хатлон афзоиш ёфта, иштирокчиён аз вилояти Хатлон чанди маротиба соҳиби Шоҳҷоизаи озмун гаштаанд.
Дар фарҷом ин семинар ба ғолибони солҳои қаблӣ, ки имсол шогирдонашон ба даври ҷумҳуриявӣ роҳхат гирифтанд, “Сипоснома”-и сардори Раёсати маорифи вилояти Хатлон тақдим карда шуд.
С. СУЛТОНОВ
Добавить комментарий
Ахбор
Қасри фарҳанги ноҳияи Ҷайҳун пурра таъмиру навсозӣ гардид 15:36СУРУДИ МИЛЛӢ КАЙ САДО ДОД? 15:52МАН ОРИЁИЯМ, АЗ НАСЛИ ОФТОБ 15:48БОХТАР – ШАҲРИ РУШДУ БУНЁДКОРӢ 15:59БЕШ АЗ 432 МИЛЛИОН СОМОНӢ РУХСАТПУЛИИ ОМӮЗГОРОН ПАРДОХТ ШУДААСТ 17:40ПЕШРАФТ ДАР СОҲАИ МАОРИФИ ХАТЛОН: АЗ СОХТМОН ТО ДАСТОВАРДҲОИ ОЛИМПИАДАВӢ 12:36ЗИЁДА АЗ 27 ҲАЗОР ҚОНУНВАЙРОНКУНИҲО ОШКОР КАРДА ШУД 12:30ТАТБИҚИ ЛОИҲАИ “ШАҲРИ БЕХАТАР” ДАР БОХТАР 16:57
Маҷаллаи №6-2019
