ЁВОН. МУМФАРШКУНИИ РОҲ БО ХАРҶИ 1,2 МИЛЛИОН СОМОНӢ

Ҷиҳати шоиста истиқбол намудани ҷашни 35 – солагии Истиқлолияти давлатии Ҷумҳурии Тоҷикистон дар ноҳияи Ёвон корҳои созандагию бунёдкорӣ, аз ҷумла таъмиру тармими роҳҳо бо маром идома дошта, марҳила ба марҳила роҳҳои аҳамияти маҳаллӣ мумфарш гашта истодаанд.

Аз ҷумла, бо ташаббуси роҳбарияти мақомоти иҷроияи ҳокимияти давлатии ноҳияи Ёвон ва саҳми ҶДММ “Моҳир семент”-у дигар соҳибкорони маҳаллӣ 1 километр роҳи байнидеҳавии деҳаи Гулбоғи Ҷамоати деҳоти Гулсара Юсуфова, ки паҳноиаш 5 метрро дар бар мегирад мумфарш ва 2 километр роҳи дигар таъмири ҷорӣ гардида истодааст.

Тавре аз мақомоти иҷроияи ҳокимияти давлатии ноҳияи Ёвон ба “Сафо” иттилоъ доданд, 1 километр роҳ бо харҷи 1,2 миллион сомонӣ мумфарш ва 2 километр роҳи дигар бо харҷи 500 ҳазор сомонӣ таъмири ҷорӣ карда мешавад.

Иттилоъ дода шуд, ки аллакай корҳои роҳсозӣ дар ин ҳудуд оғоз гардида, барои босифат анҷом додани корҳои сохтмонӣ техникаҳои калони соҳавӣ ҷалб гардидаанд.

Дар баробари мумфаршу таъмири ҷорӣ гардидани роҳҳо дар канори он ҷуйборҳои обгузар сохта шуда, аломатҳои ишоратии роҳ низ насб карда мешавад.

Иқдоми мазкур бо мақсади боз ҳам беҳтар сохтани инфрасохтори нақлиётӣ, таъмини шароити мусоиди зиндагӣ барои сокинон ва рафтуомади бемамонияти нақлиёт роҳандозӣ гардида, дар оянда низ идома меёбад.

Раиси ноҳияи Ёвон Икромиддин Вализода аз ҷараёни корҳои сохтмонӣ дар ин масир дидан намуда, ба корҳои таъмиру мумфаршкунӣ баҳои баланд додааст.

С. СУЛТОН

Похожие новости:

Добавить комментарий

Ахбор

БОНУИ МАТИНИРОДА 13:39 НАФАҚА – КАФОЛАТИ ИҶТИМОИИ ДАВЛАТ БА ШАҲРВАНДОН 13:32 БОХТАР. БОЗСОЗИИ МАҶМААИ “ВАҲДАТ” ОҒОЗ ШУД 14:02 АЗ ҚАЪРИ ГИЛИ СИЯҲ ТО АВҶИ ЗУҲАЛ 13:58 РАИСИ ВИЛОЯТИ ХАТЛОН БО РАИСИ ШӮРОИ ДИРЕКТОРОНИ ШИРКАТИ SHAANXI APPLE GROUP CO., LTD. МАСЪАЛАҲОИ РУШДИ ҲАМКОРИҲОИ САРМОЯГУЗОРӢ ВА БОҒДОРИРО БАРРАСӢ КАРДАНД 16:52 ЭҲЁИ АДОЛАТИ ТАЪРИХӢ 12:56 ДАР ВИЛОЯТИ ХАТЛОН НАТИҶАҲОИ РУШДИ ИҶТИМОИЮ ИҚТИСОДИИ НИМСОЛАИ АВВАЛИ СОЛИ 2026 ҶАМЪБАСТ ГАРДИДАНД 15:47 Ҳамоиш таҳти унвони "Ин ҷаҳонро нигар бо чашми хирад" 12:36

Маҷаллаи №6-2019

Серхонандаҳо

Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати қабули қатъномаи Созмони Милали Муттаҳид таҳти унвони «Даҳсолаи байналмилалӣ оид ба таҳкими сулҳ барои наслҳои оянда, солҳои 2027 – 2036» ЁВОН. МАРКАЗИ САЛОМАТИИ НАВУ ЗАМОНАВӢ БУНЁД МЕШАВАД НОРАК. 194 ИНШООТИ ТАЪИНОТИ ГУНОГУН БУНЁД ШУД БОХТАР. ТАРАБХОНАИ “KFC” БА ФАЪОЛИЯТ ОҒОЗ НАМУД БОХТАР. БОЗСОЗИИ МАҶМААИ “ВАҲДАТ” ОҒОЗ ШУД РОҲИ АВТОМОБИЛГАРДИ ЁВОН-ВАҲДАТ-НОРАК БОЗСОЗӢ КАРДА МЕШАВАД ЯК СИМОЮ ЯК САДО, АММО ДУ САРНАВИШТ ДАҲСОЛАИ СУЛҲ: ЭЪТИРОФИ ҶАҲОНИИ ТАШАББУСИ ТОҶИКИСТОН АЗ УМЕД ТО ХАТАР ШАРАФ БА ПЕШВО