ШИНОСОИИ РАИСИ ВИЛОЯТ АЗ ҶАРАЁНИ КОРҲОИ САҲРОӢ ДАР НОҲИЯИ ҚУБОДИЁН

Бо мақсади шиносоӣ аз фаъолияти соҳаи кишоварзӣ, самаранок истифода бурдани замин, ҷамъоварӣ намудани ҳосили зироатҳои кишоварзӣ, гузаронидани коркарди кимиёвӣ бар зидди ҳашаротҳои зарарасон ва рафти корҳои созандагию бунёдкорӣ ба истиқболи ҷашни 35 - солагии Истиқлоли давлатии Ҷумҳурии Тоҷикистон раиси вилояти Хатлон Давлаталӣ Саид ба ноҳияи Қубодиён сафари корӣ анҷом доданд.

Зимни сафари корӣ раиси вилоят аз фаъолияти кишоварзони ноҳияи Қубодиён дар самти парвариши пахта ва дигар навъи зироатҳои кишоварзӣ аз наздик шиносӣ пайдо намуданд.

Иттилоъ дода шуд, ки хоҷагидорони ноҳияи Қубодиён имсол дар майдони 7 ҳазору 580 гектар кишти пунбадона гузаронидаанд, ки 800 гектари онро кишти зери плёнка ташкил медиҳад.

Дар ҷамоати деҳоти Носири Хусрав раиси вилоят аз фаъолияти хоҷагии деҳқонии Орзу дар самти пахтакорӣ ва сабзавоткорӣ аз наздик шинос шуданд.

Соли равон саҳмдорони хоҷагӣ дар майдони 5 гектар кишти зери плёнка гузаронида, дар натиҷаи риояи қоидаҳои агротехникӣ дар коркард ва парвариши он ба натиҷаҳои назаррас ноил гардиданд.

Мавриди зикр аст, ки нашъунамои пахта дар хоҷагии мазкур бараъло мушоҳида гардида, дар ҳар як ниҳоли пахта аллакай аз 10 то 12 курак ба назар мерасад.

Хоҷагидорон интизории онро доранд, ки имсол аз майдони ҳар як гектар то 50 сентнер ҳосил ба даст биёранд. Ин усули кор аз заҳмати деҳқонону саҳмдорони хоҷагӣ дар кишт ва парвариши пахта далолат медиҳад.

Зимни боздид раиси вилояти Хатлон Давлаталӣ Саид аз хоҷагии деҳқонии Орзу ба деҳқонон дастур доданд, ки дар коркард, ғизодиҳӣ, обмонӣ ва пешгирӣ аз касалиҳо ва ҳашаротҳои заррарасон фаъолияти кории хешро дар асоси агротехникаи муосир ба роҳ монанд, то ин ки ҳосили баланд ба даст биёранд.

Мавриди зикр аст,ки дар хоҷагии мазкур ҳар як қитъа замин самараноку оқилона истифода шуда, дар майдони 50 сотих ба тариқи таҷрибавӣ кишти ҷуворимаккаи навъи мекадониро ба роҳ монда, айни ҳол нашъунамои хуб дошта, аслан ин навъи чуворимакка барои истеъмол намудан парвариш карда мешавад.

Таҷрибаи деҳқонон нишон дод, ки ин навъи тухмӣ ба иқлим ва заминҳои ин мавзеъ хеле мутобиқ буда, дар натиҷаи риояи қоидаҳои агротехникӣ дар коркард ва парвариши он метавон ҳосили дилхоҳ ба даст овард.

Ба масъулини хоҷагӣ дастур дода шуд, ки дар оянда майдони кишти онро васеъ намуда, истеҳсоли ин навъи зироатро барои истеъмол афзун карда, содироти бештари онро ба хориҷи кишвар ба роҳ монанд.

Дар хоҷагии мазкур дар майдони 30 сотих пиёзи барвақтӣ кишт намуда, аллакай хоҷагидорон подоши заҳмати кашидаи хешро ба даст овардаанд.

Раиси вилояти Хатлон Давлатадӣ Саид зимни самаранок истифода бурдани замин дар хоҷагии деҳқони Маҳмадпалвон ва гузаронидани коркарди кимиёвӣ барои хашаротҳои заррарасон, аз ҷумла тортанак дар заминҳои воқеъ дар деҳаи Ҳаваскор шииосоӣ пайдо намуданд.

Иттилоъ дода шуд, ки хоҷагии мазкур дорои 12 гектар замини корами обӣ буда, дар майдони 6,5 гектари он пахта кишт намуда, айни ҳол нашъунамои хуб дорад. Хоҷагидорон аллакай коркарди байниқаторҳо, обмонӣ ва ғизои якумро бо пуррагӣ дар доираи қоидаҳон агротехникӣ амалӣ намудаанд.

Саҳмдорони хоҷагӣ ният доранд, ки имсол бо мусоид омадани обу хаво ҳосили баланди пахтаро ба даст биёранд.

Дар хоҷагӣ дар майдони 1,5 гектар кишти маккаи дони навъи чинӣ гузароннда шуда, айнн ҳол нашъунамои хуб дорад.

Хоҷагидорони ноҳияи Қубодиён дар самти боғдорӣ сол аз сол таҷрибаи зиёд пайдо намуда истодаанд. Дар ҷамоати деҳоти Тахти Сангин хоҷагии деҳқонии Муҳаммадсодиқ ба боғдорӣ машғул буда, дар майдони 5 гектар токзор фаъолият намуда, дар он навъи ангури президентӣ, шоҳона, победа парвариш карда мешавад.

Мушоҳидаҳо нишон дод, ки ҳосилнокии токзор хуб мушоҳида гардида, пас аз 15-20 рӯз ба ҷамъоварии он шурӯъ хоҳанд намуд.

Хадамоти матбуоти раиси вилояти Хатлон

Похожие новости:

Добавить комментарий

Ахбор

Кӯлоб. 25 километр роҳ мумфарш мегардад 12:46 ШАҲРИТУС: БОЗДИДИ РАИСИ ВИЛОЯТ АЗ ХОҶАГИҲОИ ДЕҲҚОНӢ ВА ҶАРАЁНИ КОРҲОИ СОХТМОНӢ ДАР ИНШООТИ ҶАШНӢ 12:09 ШИНОСОИИ РАИСИ ВИЛОЯТ АЗ ҶАРАЁНИ КОРҲОИ САҲРОӢ ДАР НОҲИЯИ ҚУБОДИЁН 11:38 ҚУБОДИЁН: ИФТИТОҲИ БИНОИ ИЛОВАГӢ БО ИШТИРОКИ РАИСИ ВИЛОЯТ ДАР НАЗДИ МУАССИСАИ ТАҲСИЛОТИ МИЁНАИ УМУМИИ №19 11:34 БЕШ АЗ 3 ТОННА МАВОДҲОИ ДОРУВОРӢ СӮЗОНИДА ШУД 10:09 ТАҶРИБАИ КИРМАКПАРВАРИ ПЕШҚАДАМ 10:06 Фоидаи пиёзи сабз 10:03 Хатлон. Беш аз 190 ҳазор нафар кӯдакону наврасон ба истироҳату фароғат фаро гирифта мешаванд 11:10

Маҷаллаи №6-2019

Серхонандаҳо

ҚАБУЛИ САЙЁРИ РАИСИ ВИЛОЯТИ ХАТЛОН ДАР НОҲИЯИ ФАРХОР Хатлон. Ташрифи сайёҳон зиёд шудааст ШИНОСОИИ РАИСИ ВИЛОЯТ БО ЛОИҲАИ НАВИ БЕМОРХОНАИ КАСАЛИҲОИ ДИЛ ВА МАРКАЗИ ЭНДОКРИНОЛОГИЯИ ВИЛОЯТИ ХАТЛОН ДАР ШАҲРИ БОХТАР Кӯлоб. Рӯзи ҷаҳонии футбол таҷлил карда шуд БОХТАР. ОМӮЗГОРОНУ ХОНАНДАГОНИ ФАЪОЛ ҚАДРДОНӢ ГАРДИДАНД АСРОРИ СИТОРАИ ИНТЕРНЕТ КОРУ ПАЙКОРИ СОЗАНДА ТАҚОЗОИ ЗАМОН АСТ Туҳфаи Мадина Қурбонзода ба мардуми шарифи Тоҷикистон бахшида ба Рӯзи ҷавонон ОРЗУРО КАНОРУ АМАЛРО ПЕША КУН! А. ҶОМӢ. ЗИЁДА АЗ 150 ИНШООТ БА ИСТИФОДА ДОДА ШУД