Маҷаллаи Сафо
Маслиҳати муфид
Номаҳо
ОҒОЗИ МАРҲИЛАИ ДУЮМИ КОРҲОИ СЕЙСМОИКТИШОФӢ ДАР ДОИРАИ ЛОИҲАИ «БОХТАР» БО ИШТИРОКИ РАИСИ ВИЛОЯТ
Бо иштироки раиси вилояти Хатлон Давлаталӣ Саид ва роҳбарони ширкатҳои бонуфузи Ҷумҳурии Мардумии Чин «СИ-ЭН ПИСИ Интернешнл» ва «БИҶИПИ-ИНК» маросими кушодашавии марҳилаи дуюми корҳои сейсмоиктишофӣ дар доираи лоиҳаи “Бохтар” дар шаҳри Левакант баргузор гардид.
Дар оғози чорабинӣ техника ва имкониятҳои технологие, ки аз ҷониби ширкати чинии мазкур ҷалб шудаанд, ба намоиш гузошта шуда, масъулин оид ба ҷараёни корҳои анҷомёфта ва нақшаҳои оянда маълумоти муфассал доданд. Зикр гардид, ки марҳилаи аввали лоиҳаи “Бохтар” ҳанӯз соли 2008 оғоз гардида, дар доираи он корҳои ҷустуҷӯии минтақавӣ, магнитоиктишофӣ ва сейсмоиктишофӣ ба анҷом расонида шудаанд. То ба имрӯз дар ин самт беш аз 110 миллион доллари ИМА сарф гардидааст.
Ширкати «СИ-ЭН ПИСИ Интернешнл» аз соли 2024 ба иҷрои корҳои иктишофӣ-геофизикӣ оғоз намуда, дар ҳамин сол дар масоҳати 15 400 км корҳои магнитоиктишофӣ ва гравииктишофиро ба маблағи 7,4 миллион доллар анҷом додааст.
Бино ба иттилои пешниҳодгардида, татбиқи лоиҳаи мазкур барои муайянсозии минтақаҳои дорои захираҳои саноатии нафту газ ва интихоби нуқтаҳои пармакунии чоҳҳои ҷустуҷӯӣ замина фароҳам меорад.
Дар доираи оғози марҳилаи дуюми корҳои сейсмоиктишофӣ, ҳамчунин машварати корӣ бо иштироки раиси вилоят ва роҳбарияти ширкатҳои чинии шарик баргузор гардид. Раиси вилояти Хатлон Давлаталӣ Саид зимни суханронии худ таъкид кард, ки Мақомоти иҷроияи ҳокимияти давлатии вилоят дар доираи амалишавии ҳадафи чоруми стратегӣ, яъне саноатикунонии босуръат, аз тамоми имконияту захираҳои мавҷуда ба таври самаранок истифода намуда, барои рушди соҳаи нафту газ ва ҷалби сармояи дохилию хориҷӣ тадбирҳои заруриро амалӣ месозанд.
- Вилояти Хатлон дорои захираҳои бузурги нафту газ мебошад, ки истифодаи мақсадноки онҳо метавонад ба рушди устувори иқтисоди миллӣ ва таъмини эҳтиёҷоти энергетикии кишвар мусоидат намояд, - иброз дошт раиси вилоят ва ба роҳбарияти ширкатҳои чинии ҳамкор барои дастгирӣ ва иштироки фаъол дар татбиқи лоиҳаи «Бохтар» изҳори сипос намуд.
Дар утоқи назоратии лоиҳа мутахассисони чинӣ натиҷаҳои марҳилаи аввали фаъолиятро муаррифӣ намуда, дурнамои рушди минбаъдаи лоиҳаро шарҳ доданд. Қайд гардид, ки корҳои сейсмоиктишофӣ дар доираи лоиҳа дар ҳудуди 25 шаҳру ноҳияи вилояти Хатлон ба нақша гирифта шуда, то ба имрӯз беш аз 500 нафар сокинони маҳаллӣ ба корҳои мавсимӣ ҷалб гардидаанд. Тибқи нақша, шумораи кормандон то 900 нафар хоҳад расид.
Дар анҷоми чорабинӣ изҳори умедворӣ карда шуд, ки татбиқи ин лоиҳаи муҳими геологӣ ба натиҷаҳои мусбат оварда, заминаи устувор барои оғози пармакунии чоҳҳои ҷустуҷӯии нафту газ гузошта мешавад. Ҳамзамон, ҷонибҳо ба густариши ҳамкориҳои судманди иқтисодӣ ва ҷалби бештари ширкатҳои чинӣ ба раванди саноатикунонии босуръати кишвар изҳори ҳавасмандӣ намуданд.
Хадамоти матбуоти Раиси вилояти Хатлон
Добавить комментарий
Ахбор
БЕШ АЗ 432 МИЛЛИОН СОМОНӢ РУХСАТПУЛИИ ОМӮЗГОРОН ПАРДОХТ ШУДААСТ 17:40ПЕШРАФТ ДАР СОҲАИ МАОРИФИ ХАТЛОН: АЗ СОХТМОН ТО ДАСТОВАРДҲОИ ОЛИМПИАДАВӢ 12:36ЗИЁДА АЗ 27 ҲАЗОР ҚОНУНВАЙРОНКУНИҲО ОШКОР КАРДА ШУД 12:30ТАТБИҚИ ЛОИҲАИ “ШАҲРИ БЕХАТАР” ДАР БОХТАР 16:57Дар ноҳияи Абдураҳмони Ҷомӣ 226 иншооти ҷашнӣ мавриди истифода қарор гирифт 13:45ҶАЙҲУН ДАР МАСИРИ РУШДИ УСТУВОР ВА СОЗАНДАГӢ 14:33ТАРБИЯРО АЗ КАДОМ СИННУ СОЛ БОЯД ОҒОЗ КАРД? 14:30БОНУИ МАТИНИРОДА 13:39
Маҷаллаи №6-2019
Серхонандаҳо
РАИСИ ВИЛОЯТИ ХАТЛОН БО РАИСИ ШӮРОИ ДИРЕКТОРОНИ ШИРКАТИ SHAANXI APPLE GROUP CO., LTD. МАСЪАЛАҲОИ РУШДИ ҲАМКОРИҲОИ САРМОЯГУЗОРӢ ВА БОҒДОРИРО БАРРАСӢ КАРДАНД
ҶАЙҲУН ДАР МАСИРИ РУШДИ УСТУВОР ВА СОЗАНДАГӢ
БОХТАР. ТАРАБХОНАИ “KFC” БА ФАЪОЛИЯТ ОҒОЗ НАМУД
Дар ноҳияи Абдураҳмони Ҷомӣ 226 иншооти ҷашнӣ мавриди истифода қарор гирифт
БОХТАР. БОЗСОЗИИ МАҶМААИ “ВАҲДАТ” ОҒОЗ ШУД
ТАТБИҚИ ЛОИҲАИ “ШАҲРИ БЕХАТАР” ДАР БОХТАР
АВФ – БАХШОИШЕ, КИ САРНАВИШТҲОРО ДИГАР МЕКУНАД
АВФ – ОҒОЗИ САҲИФАИ НАВИ ЗИНДАГӢ
ДАР ВИЛОЯТИ ХАТЛОН НАТИҶАҲОИ РУШДИ ИҶТИМОИЮ ИҚТИСОДИИ НИМСОЛАИ АВВАЛИ СОЛИ 2026 ҶАМЪБАСТ ГАРДИДАНД
1147 НАФАР АЗ МУАССИСАИ ИСЛОҲИИ №3/6-И НОҲИЯИ ЁВОН БА ОЗОДӢ БАРГАШТАНД
