БОЗДИДИ ДАВЛАТАЛӢ САИД АЗ РАВАНДИ КОРҲОИ СОХТМОНӢ ДАР БЕМОРХОНАИ МАРКАЗИИ НОҲИЯИ АБДУРАҲМОНИ ҶОМӢ

Дар доираи сафари корӣ ба ноҳияи Абдураҳмони Ҷомӣ раиси вилояти Хатлон Давлаталӣ Саид аз ҷараёни корҳои сохтмонӣ ва навсозӣ дар Беморхонаи марказии ноҳия боздид ба амал овард.

Ба раиси вилоят иттилоъ дода шуд, ки бо ташаббуси Мақомоти иҷроияи ҳокимияти давлатии ноҳия ва саҳмгузории шахсони саховатманд санаи 25 майи соли 2025 дар масоҳати 360 метри мураббаъ сохтмони шуъбаи ёрии таъҷилӣ ва қабули беморон оғоз гардида, тибқи лоиҳа бинои якошёна бо 9 ҳуҷраи корӣ дар он пешбинӣ шудааст. Иншоот бахшида ба ҷашни 35-солагии Истиқлоли давлатии Ҷумҳурии Тоҷикистон моҳи октябри соли равон мавриди истифода қарор хоҳад гирифт.

Ҳамзамон, бо мақсади беҳтар намудани хизматрасонии тиббӣ ба аҳолӣ, таъмиру азнавсозии роҳи мошингарди атрофи беморхона ба масофаи 200 метр дар назар дошта шудааст, ки ба таъмини ҳаракати бемаҳдуд ва саривақтии мошинҳои ёрии таъҷилӣ мусоидат хоҳад кард.

Дар баробари ин, дар доираи лоиҳаи махсус, ки бо маблағгузории Иттиҳоди Аврупо ва ЮНИСЕФ амалӣ мешавад, аз моҳи декабри соли 2024 корҳои таъмиру азнавсозӣ дар шуъбаҳои таваллуд, кӯдакона, ҷарроҳӣ, қисмати ҷароҳатхона ва ошхона шуруъ гардидаанд. Ин лоиҳаи муҳими иҷтимоӣ бо роҳбарии Рауфӣ А. амалӣ гардида, иҷрои он ба ҶДММ «Бунёди аср» зери роҳбарии Ҷамшед Табаров вогузор шудааст. Қарор аст, ки ин корҳо то моҳи сентябри соли 2025 пурра анҷом ёбанд.

Раиси вилоят ҷараёни корҳои сохтмониро мусбат арзёбӣ намуда, таъкид дошт, ки бо анҷоми пурраи иншооти мазкур сатҳи хизматрасонии тиббӣ дар ноҳия ба маротиб беҳтар хоҳад шуд.

Хадамоти матбуоти раиси вилояти Хатлон

Похожие новости:

Добавить комментарий

Ахбор

ТАҶДИДИ МАКТАБ, БУНЁДИ ИНШООТИ ВАРЗИШӢ ВА ТАҚВИЯТИ СОХТОРҲОИ ОТАШНИШОНӢ ДАР МАРКАЗИ ТАВАҶҶУҲИ РАИСИ ВИЛОЯТИ ХАТЛОН 15:55 Ҷ. БАЛХӢ: БОЗДИДИ РАИСИ ВИЛОЯТ АЗ ҶАРАЁНИ ҶАМЪОВАРИИ ҲОСИЛ ВА КОРҲОИ СОЗАНДАГӢ 15:42 ОҒОЗИ МАРҲИЛАИ ДУЮМИ КОРҲОИ СЕЙСМОИКТИШОФӢ ДАР ДОИРАИ ЛОИҲАИ «БОХТАР» БО ИШТИРОКИ РАИСИ ВИЛОЯТ 15:30 БОЗДИД АЗ ГАРМХОНАҲОИ ИННОВАТСИОНИИ ҶДММ «ВИТАМИНҲОИ ТОҶИКИСТОН» 15:23 ДАВЛАТАЛӢ САИД АЗ ФАЪОЛИЯТИ ХОҶАГИИ НИҲОЛ ВА ГУЛПАРВАРИИ «АБДУКАРИМ» БОЗДИД КАРД 15:16 РАИСИ ВИЛОЯТ БО ФАЪОЛИЯТИ ХОҶАГИҲОИ КИШОВАРЗИИ ШАҲРИ ЛЕВАКАНТ ШИНОС ШУД 15:04 БОЗДИДИ ДАВЛАТАЛӢ САИД АЗ РАВАНДИ КОРҲОИ СОХТМОНӢ ДАР БЕМОРХОНАИ МАРКАЗИИ НОҲИЯИ АБДУРАҲМОНИ ҶОМӢ 17:09 РАИСИ ВИЛОЯТИ ХАТЛОН АЗ ҶАРАЁНИ ТАЪМИРИ РОҲ ДАР ШАҲРАКИ «ХОҶАМАСТОН» БОЗДИД НАМУД 17:06

Маҷаллаи №6-2019

Серхонандаҳо

Омӯзгори ДДБ ба номи Носири Хусрав ғолиби озмуни байналмилалӣ шуд Кӯлоб. 324 оила соҳиби оби тозаи нӯшокӣ шуд Хатлон. Ташрифи сайёҳон зиёд шудааст ҚАБУЛИ САЙЁРИ РАИСИ ВИЛОЯТИ ХАТЛОН ДАР НОҲИЯИ ФАРХОР Кӯлоб. Рӯзи ҷаҳонии футбол таҷлил карда шуд БОХТАР. ОМӮЗГОРОНУ ХОНАНДАГОНИ ФАЪОЛ ҚАДРДОНӢ ГАРДИДАНД Левакант. Роҳҳои маҳаллӣ таъмир шуда истодаанд АСРОРИ СИТОРАИ ИНТЕРНЕТ КОРУ ПАЙКОРИ СОЗАНДА ТАҚОЗОИ ЗАМОН АСТ ОРЗУРО КАНОРУ АМАЛРО ПЕША КУН!