МО ҒАМХОРИ ЯТИМОНЕМ

Иқдоми хайрхоҳонаи Муассисаи давлатии Театри вилоятии мусиқӣ-мазҳакавии ба номи Ато Муҳаммадҷонови шаҳри Бохтар бахшида ба Рӯзи байналмилалии ҳифзи кӯдакон.

Бо мақсади татбиқи ҳидоятҳои башардӯстонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дар асоси нақша-чорабиниҳои тасдиқнамудаи раиси вилояти Хатлон муҳтарам Давлаталӣ Саид, кормандони Театри вилоятии мусиқӣ-мазҳакавии ба номи Ато Муҳаммадҷонови шаҳри Бохтар ба мактаб-интернати ятимони ноҳияи Вахш сафари ҳунарӣ анҷом доданд.

Ин иқдом дар доираи “40 рӯзи ҳаёти кӯдакон” ва ба ифтихори Рӯзи байналмилалии ҳифзи кӯдакон сурат гирифта, ҳадаф аз он дастгирии маънавии кӯдакони ятим ва болида гардонидани рӯҳияи онҳо мебошад.

Дар ҳамин замина, ҳайати ҳунарии театр намоишномаи «Бозгашт»-ро пешкаши тарбиятгирандагони интернат намуданд. Дар намоиш ҳунармандони шинохта аз ҷумла Кароматулло Сафаров, Фирдавси Турдиали, Бибинисо Боқиева, Дилафрӯз Саидова, Комилҷон Бибиев ва Ҳикматулло Мирзоев ҳунарнамоӣ карданд.

Сипас, барномаи фарҳангии идона бо иштироки сарояндагони маъруфи кишвар баргузор гардид. Дар он ҳунарпешаи халқии Тоҷикистон Муҳаммадалӣ Аюбӣ, Хушвахт Гулов, Гулнора Сайдалиева, Мадина Давлатова, Рамазони Абдуҷалил, Шаҳбоз Шарипов ва Гулдаста Қудусова баромад карданд.

Аз ҷониби роҳбарият ва кормандони театр ба кӯдакон тӯҳфаҳои идона тақдим гардид, ки фазои идонаро пурра намуд ва лабхандро бар чеҳраи тифлакон овард.

Дар охир, роҳбарияти мактаб-интернат ва мақомоти иҷроияи маҳаллии ҳокимияти давлатии ноҳияи Вахш барои дастгирии ташаббуси мазкур ба ҳунармандон Сипоснома тақдим намуданд.

Таъкид кардан зарур аст, ки чунин иқдомҳои хайрхоҳона нишонаи равшани сиёсати инсонпарваронаи давлат ва Ҳукумати Ҷумҳурии Тоҷикистон буда, дар тарбияи инсони солим ва рӯҳан нерӯманд саҳми арзанда мегузоранд.

Похожие новости:

Добавить комментарий

Ахбор

БОХТАР. БЕШ АЗ 11 ҲАЗОР НАФАР КӮДАКОНУ НАВРАСОН БА ИСТИРОҲАТ ФАРО ГИРИФТА МЕШАВАНД 16:49 ДОНОРОНИ ХУН ЗИЁД ШУДААНД 13:01 ДАНҒАРА. МАЙДОНЧАИ НАВИ ВАРЗИШӢ ИФТИТОҲ ГАРДИД 15:05 Ҷ. БАЛХӢ. АЗ НАҚША ЗИЁД ИНШООТ БУНЁД ШУД 15:02 РАИСИ ВИЛОЯТИ ХАТЛОН БА ХОНАВОДАИ МАРҲУМ ФАЙЗАЛӢ РАҲИМОВ ИЗҲОРИ ҲАМДАРДӢ НАМУДАНД 16:55 РАИСИ ВИЛОЯТИ ХАТЛОН АЗ РАФТИ КОРҲОИ КИШОВАРЗӢ ДАР НОҲИЯИ ПАНҶ БОЗДИД НАМУДАНД 14:49 РАИСИ ВИЛОЯТИ ХАТЛОН БО ПАЁМАДҲОИ ОФАТИ ТАБИӢ ДАР НОҲИЯИ ПАНҶ АЗ НАЗДИК ШИНОС ШУДАНД 12:43 ФОРУМИ БАЙНАЛМИЛАЛИИ САЙЁҲӢ ДАР ЧИЛДУХТАРОНИ МУЪМИНОБОД 16:53

Маҷаллаи №6-2019

Серхонандаҳо

ФОРУМИ БАЙНАЛМИЛАЛИИ САЙЁҲӢ ДАР ЧИЛДУХТАРОНИ МУЪМИНОБОД БОХТАР. БОЗ ЯК КӮДАКИСТОНИ НАВУ ЗАМОНАВӢ БУНЁД МЕШАВАД МУЛОҚОТИ РАИСИ ВИЛОЯТИ ХАТЛОН ДАВЛАТАЛӢ САИД БО НАМОЯНДАГОНИ МАГАТЭ: ТАҲКИМИ ҲАМКОРИҲО БАРОИ РУШДИ СОҲАИ ТАНДУРУСТӢ ДОНОРОНИ ХУН ЗИЁД ШУДААНД Ҷ. БАЛХӢ. АЗ НАҚША ЗИЁД ИНШООТ БУНЁД ШУД Ҷ. Балхӣ. Мумфаршкунии 6 километр роҳ оғоз гардид ДАНҒАРА. МАЙДОНЧАИ НАВИ ВАРЗИШӢ ИФТИТОҲ ГАРДИД ЖУРНАЛИСТЕ, КИ ҶАҲОНРО БО ДИЛ МЕШУНАВАД ФУРӮҒИ МАЪРИФАТ ДАР ЯК ХОНАДОНИ ТОҶИК ПАЁМИ ШОДБОШИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ФАРОРАСИИ ИДИ САИДИ ҚУРБОН