Маҷаллаи Сафо
Шеъру адаб
Чеҳра
Номаҳо
ХАТЛОН: ТАҶЛИЛИ РӮЗИ БАЙНАЛМИЛАЛИИ ОСОРХОНАҲО
Ҳамасола, 18-уми май дар саросари мамлакат Рузи Байналмилалии осорхонаҳо бо шукӯҳу шаҳомати хоса таҷлил карда мешавад.
Ба ин муносибат санаи 19- уми май соли равон бо иштироки муовини раиси вилояти Хатлон Абдусаломзода Анзурат, дар Муассисаи давлатии осорхонаи таъриху кишваршиносии вилояти Хатлон ба номи «Авасто» чорабинии идона доир гардид.
Дар ин рӯз меҳмонон аз намоиши ҳунарҳои мардумӣ ва асарҳои рассомони вилоят боздид ба амал оварда, ба дастандаркорони он баҳои баланд дода шуд.
Дар оғози чорабинӣ, муовини раиси вилояти Хатлон Анзурат Абдусаломзода ба сухан баромада, иброз аз он дошт, ки фаъолияти осорхонаҳо ҳамеша дар мадди назари Ҳукумати Ҷумҳурии Тоҷикистон, хосса Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор доранд. Зеро осорхона маконе аст, ки ба воситаи ёдгориҳояш метавонад ба ҳиссиёти тамошобин таъсир гузошта, шахсро дар руҳияи ватандӯстӣ, ифтихори миллӣ, арҷгузорӣ ба осори таърихӣ, зебоипарастӣ ва дарки олами нафосат тарбият намояд.
Дар идомаи чорабинии идона директори Муассисаи давлатии осорхонаи таъриху кишваршиносии вилояти Хатлон ба номи «Авасто» Орифзода Муҳаммад низ ба сухан баромад намуда, иброз дошт, ки агар як паҳлӯи муҳими фаъолияти осорхона ҷамъоварӣ, нигоҳдорӣ ва муаррифии осори таърихию фарҳангӣ бошад, пас паҳлӯи дигари фаъолияти осорхона-пеш бурдани амалҳои оммавӣ-маърифатӣ мебошад.
Дар ин рӯз барои саҳми арзанда гузоштан дар татбиқи сиёсати фарҳангпарваронаи Ҳукумати Ҷумҳурии Тоҷикистон, махсусан дар самти рушди соҳаи фарҳанг, ҳифз, нигаҳдошту посдории арзишҳои таърихиву фарҳангӣ ва хизматҳои беназир дар рушди осорхонаю фарҳангшиносӣ ба муносибати Рӯзи байналмилалии осорхонаҳо як қатор рассомон, роҳбарони осорхонаҳои шаҳру навоҳии вилоят ва ҳамчунин кормадони осорхона бо Сипосномаи Муассисаи давлатии осорхонаи таъриху кишваршиносии вилояти Хатлон ба номи «Авасто» сарфароз гардонида шуд.
"Сафо"
Добавить комментарий
Ахбор
ЗИНДАГӢ МИЁНИ ДУ ИҚЛИМ 14:55БОХТАР, РУШДИ ОН ДАР ЗАМОНИ СОҲИБИСТИҚЛОЛӢ 12:05ИСТИҚЛОЛ – НАҶОТИ МИЛЛАТ, ОҒОЗИ ДАВЛАТСОЗИИ МИЛЛӢ 11:03ТАРОНАИ ИСТИҚЛОЛ 10:54ИСТИҚЛОЛИЯТ ВА ТАФАККУРИ СОЗАНДАИ НАСЛҲО 10:47ИСТИҚЛОЛИ ДАВЛАТӢ - ШИНОСНОМАИ ДАВЛАТУ МИЛЛАТ ДАР АРСАИ БАЙНАЛМИЛАЛӢ 10:42ҚАЛБИ ГАРМ ВА ДАСТИ ҚАВӢ 10:35ҲИКОЯИ ПИРӮЗӢ ВА МАТОНАТ 12:40
Маҷаллаи №6-2019
Серхонандаҳо
ПАЁМИ ТАБРИКОТИИ РАИСИ ВИЛОЯТИ ХАТЛОН ДАВЛАТАЛӢ САИД БАХШИДА БА РӮЗИ КОРМАНДОНИ СОҲАИ ТИБ
ТАҶЛИЛИ РӮЗИ КОРМАНДОНИ СОҲАИ ТИБ ДАР ХАТЛОН
ДӮСТӢ. ТАБИБОН СОҲИБИ ЗАМИНИ НАЗДИҲАВЛИГӢ ШУДАНД
БОХТАР, РУШДИ ОН ДАР ЗАМОНИ СОҲИБИСТИҚЛОЛӢ
Дӯстӣ. Бунёди бинои иловагии муассисаи таълимӣ
ТИЛЛОИ БОҒҲОИ ХАТЛОН
МУБОРАК БОД ИСТИҚЛОЛ!
АЗ КИШМИШ ТО “АВАТАР”
ИСТИҚЛОЛ ВА ОБОДКОРӢ
МУБОРИЗА БА КОРРУПСИЯ
