Маҷаллаи Сафо
Шеъру адаб
Чеҳра
Маслиҳати муфид
Номаҳо
ТАРАННУМИ ХУДШИНОСИЮ ХУДОГОҲӢ
Сулаймон Султон аз зумраи шоирони тозаэҷоди нозукхаёлест, ки эҷодиёташ фарогири мавзуъҳои зиндагӣ, худшиносии миллӣ ва муҳаббат ба Ватану ватандорист. Дар мавзуи ватандӯстӣ бештар мавқеи устувор дорад. Ӯ дар шеъри “Ливо” хонандаро ба гузаштаи пурифтихори миллати қуҳанбунёди тоҷик ва корнамоию қаҳрамониҳои шоҳони далераш ошно месозад:
Мо аз ҳарими раҳмати Яздон расидаем,
Аз чорсӯи хоки Хуросон расидаем.
Зери дирафши Коваю зери дурахши нур,
Бо аспҳои хатлии паррон расидаем....
Имрӯз пойдор бувад дар ҷаҳон хирад,
Бо адлу доду донишу фарҳанг то абад.
Ҳарчанд дар ҷаҳон чу Анушервон набуд,
Бар хонадону дудаи Сомониён дуруд.
Шоир шеъри “Ватан”-ро бо эҳсосоти хос ва хеле табиӣ эҷод намудааст:
Сабук пар мекашам дар фазои Ватан,
Бигирам нафс дар ҳавои Ватан.
Чу мурғони хушхон зи шавқу фараҳ,
Сароям ҳаме дар санои Ватан.
Ба рағми адуи Ватан то ба марг,
Ситезам ба дастам ливои Ватан.
Тараннуми Ватан, шукрона аз хоки зархезу обҳои пок ва Сарвари хирадманду раиятпарварашро шоир бо маҳорати баланд тасвир намудааст:
Барои ин Ватан, ин остон шукрона бояд кард,
Ба ин хоку ба ин оби равон шукрона бояд кард.
Ба рӯи қуллаҳои сарбаланди кишвари маҳбуб.
Намуда чун уқобон ошён шукрона бояд кард.
Ба бахти мо азизон Оли Раҳмон сарвари мо шуд,
Ливои сулҳу ваҳдат парфишон дар кишвари мо шуд.
Диҳем овози худро бори дигар мо ба номи ӯ,
Зи гулҳои саодат як сабад пур бовари мо шуд.
Дар ашъори Сулаймон Султон тараннуми худшиносию худогоҳӣ ва ифтихор аз муқаддасоти миллӣ ҷойгоҳи хос дорад:
Ғурури мо, сари болои моӣ, Парчами миллӣ,
Чу машъал халқи моро раҳнамоӣ, Парчами миллӣ.
Ба ҳар ранги ту рамзе аз саодатҳо паём орад,
Рамузи миллати сар бар самоӣ, Парчами миллӣ.
Зи ранги сурх русурхии мардонат аёнам гашт,
Ба мисли дасти модар бо дуоӣ Парчами миллӣ.
Ту пар-пар мезанӣ, бо ту кабӯтар мезанад пар-пар,
Баҳои ваҳдату сулҳу сафоӣ, Парчами миллӣ.
Шоир аз заҳмату талошҳои пайваста ва сиёсати хирадмандонаи Пешвои муаззами миллат муҳтарам Эмомалӣ Раҳмон руҳу илҳом гирифта, дар шеъри “Дуруд” овардааст:
Дуруд эй Шаҳаншоҳи олимақом,
Ба доду деҳши гирифтӣ ту ном.
Дуруд эй сароғози ҳар достон,
Куҳаншаҳри мо кардаӣ бӯстон.
Нишаста ба тахти Каён Шоҳи мо,
Шаҳи ҳушманду дилогоҳи мо.
Кунун тоҷ шуд бар сари тоҷикон,
Расида зи таърих фарри Каён.
Шоири ватандӯсту ватансаро корҳои ободонию созандагиҳо ва шукуфоии кишвари азизашро бо бадеияти баланд инъикос намуда, аз ҷумла, бадеҳаи “Биё Роғун биравем”-ро эҷод намудааст:
Писар: Бигу ёри маро пешам биёяд,
Чу марҳам бар дили решам биёяд.
Сафар дорам бубинам рӯи ӯро,
Бибӯсам чеҳраи дилҷӯи ӯро.
Духтар:
Агар хоҳӣ, ки ман ёри ту бошам,
Ба ҷону дил харидори ту бошам.
Бирав Роғун, ки он ҷо корзор аст,
Ки мардони замонро интизор аст.
Сулаймон Султон дар эҷоди жанрҳои гуногуни шеър низ комёб аст. Шеърҳои тозаю дилнишинаш бо забони шево ва қолабҳои гуногун пешкаши ҳаводорони каломи бадеъ мегардад.
Дар маҷмуаи шеърҳояш зери унвони “Як сабад гули бовар” ҳаводорони ашъори рангинаш метавонанд қиссаҳо, ғазалҳо, мухаммас ва мусаддасро қироат намоянд. Аз ҷумла, дар як мухаммас (бар ғазали Сайидо) овардааст:
Насими нарми фарвардин зи кӯи ёр меояд,
Навои чангу найю арғунуну тор меояд.
Дилам дар сина покӯбон каландарвор меояд,
“Садои мақдами гулчин чу аз гулзор меояд.
Гиребончок булбул бар сари бозор меояд”.
Маврид ба зикр аст, ки рубоисароӣ яке аз суннатҳои адабӣ дар адабиёти классикию муосири тоҷик буда, Сулаймон Султон ҳам дар ин жанр эҷод намудааст.
Рубоиҳои шоир, ки бо номи “Гулборон” гирд оварда шудаанд, хеле пурмуҳтавою дилписанданд:
Эй чашма агар зи оби ту нӯш кунам,
Ғамҳои замонаро фаромӯш кунам.
Шояд ғазали умри равонро хонӣ,
Биншаста садои форамат гӯш кунам.
Ҷонам Ватанам, ҷони ҷаҳонам Ватанам,
Ҳам ҷаннату боғу бӯстонам Ватанам.
Иқболи баланди мост кӯҳистонат,
Омолу умеду ормонам, Ватанам.
Узви Иттифоқи нависандагони Тоҷикистон Сулаймон Султон ба ғайр аз эҷоди жанрҳои гуногуни шеърӣ ба тарҷума низ даст задааст. Шеърҳои якчанд шоирони русро ба забони тоҷикӣ тарҷума намудааст. То имрӯз чор маҷмуаи шоир бо номҳои “Нигини офтоб”, “Тахти шабнам”, ”Қаламрави ишқ” ва “Як сабад гули бовар” ба дасти ҳаводорони ашъораш расидаанд.
Шоири халқии Тоҷикистон Хайрандеш ба ашъори пурмазмуну рангини Сулаймон Султон баҳои баланд додааст: “Сулаймон Султон шоирест борикбин ва фасеҳгуфтор. Ӯ, ки худ як инсони ҷиддӣ ва масъулиятшинос аст, дар офаридани шеър ҳам нисбати худ басо серталаб мебошад. Дар шеър тозакориҳо дорад ва дар эҷоди шаклҳои гуногуни шеър қалами худро санҷидааст. Ғазалро хеле хуб мегӯяд ва дар гуфтани шеъри нав низ дастболост. Ашъораш аз фасоҳату балоғати сухан нек бархӯрдор буда, дилрас, мондагор ва фараҳафзову хотирнишин аст. Орзу мекунам, ки дар оянда Сулаймони сухан ва султони шеър бошад”.
Аъзам Бобоев, шаҳри Кӯлоб
Добавить комментарий
Ахбор
Ҷ. Балхӣ. Мумфаршкунии 6 километр роҳ оғоз гардид 13:03МУЛОҚОТИ РАИСИ ВИЛОЯТИ ХАТЛОН ДАВЛАТАЛӢ САИД БО НАМОЯНДАГОНИ МАГАТЭ: ТАҲКИМИ ҲАМКОРИҲО БАРОИ РУШДИ СОҲАИ ТАНДУРУСТӢ 13:25ХАТЛОН.РӮЗИ БАЙНАЛМИЛАЛИИ ҲИФЗИ КӮДАКОН ТАҶЛИЛ ГАРДИД 15:18ДАР ВИЛОЯТИ ХАТЛОН БОРИ НАХУСТ КУРСИ АЗНАВТАЙЁРКУНИИ КАДРҲОИ ДАР ЗАХИРАБУДАИ ХИЗМАТИ ДАВЛАТӢ РОҲАНДОЗӢ ГАРДИД 11:12ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ РӮЗИ БАЙНАЛМИЛАЛИИ ҲИФЗИ КӮДАКОН 10:05НАХУСТНАМОИШИ “МЕТРАНПАЖ” ДАР ТЕАТРИ ВИЛОЯТӢ 10:56ФУРӮҒИ МАЪРИФАТ ДАР ЯК ХОНАДОНИ ТОҶИК 10:49ПАЁМИ ШОДБОШИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ФАРОРАСИИ ИДИ САИДИ ҚУРБОН 16:35
Маҷаллаи №6-2019
Серхонандаҳо
МАРҲИЛАИ ДУЮМИ АЗНАВСОЗӢ ВА ТАЪСИСИ МЕДИАТЕКАИ ПРЕЗИДЕНТИ ҶУМҲУРИИ ТОҶИКИСТОН ДАР КИТОБХОНАИ ВИЛОЯТИИ БА НОМИ ШАМСИДДИН ШОҲИН ВА ОҒОЗИ АЗНАВСОЗИИ КИТОБХОНАИ ВИЛОЯТӢ ДАР ШАҲРИ КӮЛОБ
ЁВОН. БОЗДИДИ РАИСИ ВИЛОЯТ АЗ РАФТИ БАРТАРАФСОЗИИ ОҚИБАТҲОИ ОФАТИ ТАБИӢ ВА СУҲБАТ БО СОКИНОНИ ЗАРАРДИДА
ҶАЙҲУН. 1,1 КИЛОМЕТР РОҲ МУМФАРШ КАРДА ШУД
БОХТАР. БОЗ ЯК КӮДАКИСТОНИ НАВУ ЗАМОНАВӢ БУНЁД МЕШАВАД
ЛЕВАКАНТ. НИЁЗМАНДЕ СОҲИБИ ХОНА МЕШАВАД
РАИСИ ВИЛОЯТИ ХАТЛОН АЗ РАФТИ СОХТМОНИ НЕРУГОҲИ БАРҚИИ ОФТОБӢ ДАР НОҲИЯИ ҶАЙҲУН БОЗДИД НАМУДАНД
ҚАДРШИНОСИИ ИШТИРОКЧИЁНИ ҶАНГ - НИШОНАИ ЭҲТИРОМ БА ТАЪРИХ ВА ВАҲДАТИ МИЛЛӢ
РАИСИ ВИЛОЯТИ ХАТЛОН БА АЁДАТ ВА ТАБРИКИ ИШТИРОКДОРИ 103-СОЛАИ ҶАНГИ БУЗУРГИ ВАТАНӢ РАФТАНД
ҶАВОНОН ВА МАСЪУЛИЯТИ ОИЛАДОРӢ
РАИСИ ВИЛОЯТИ ХАТЛОН АЗ РАФТИ СОХТМОНИ МУАССИСАИ ТОМАКТАБӢ ДАР НОҲИЯИ ҶАЙҲУН БОЗДИД НАМУДАНД
